A fenda dixital
No apartado anterior comprobamos que o acceso a Internet aínda está lonxe de ser universal. A continuación investigaremos cales son as posibles causas e efectos do fenómeno que denominamos fenda dixital.
A ONU, na súa Declaración do Milenio, definiu a fenda dixital como "a distancia que hai entre as persoas, os colectivos sociais e os países que teñen acceso ás novas tecnoloxías da información e da comunicación (TIC) e os que non dispoñen desa facilidade".
Neste vídeo podemos observar a fenda xeracional existente en todo o mundo:
Ademais da necesidade dunha infraestrutura de telecomunicacións que nos permita conectarnos a Internet é indispensable ter a posibilidade real de acceder a estas tecnoloxías e posuír as habilidades e coñecementos para facermos un uso adecuado delas. Así, a fenda dixital ten a súa orixe en distintos fenómenos de desigualdade (social, económica, xeracional, educativa, de xénero...).
Agora escoitemos como se percibe a fenda dixital en América Latina:
|
|
| En Ivoox, Yoselin Gómez, (CC BY-NC-ND 3.0) |
Que sabemos sobre a fenda dixital?
Que é a fenda dixital?
É a esperanza para o desenvolvemento dos países máis pobres.
É á diferenza de oportunidades existente entre as persoas que usan Internet e as que non teñen esa posibilidade.
É apenas un problema técnico para conectarse a Internet.
Todas as respostas anteriores son correctas.
A quen afecta a fenda dixital?
Só aos países non desenvolvidos.
Só ás persoas que non teñen ordenador e teléfono móbil.
Aos grupos, pobos e territorios excluidos ou en situación de desvantaxe para o uso dos servicios que ofrecen as TIC.
Todas as respostas anteriores son correctas.
Que desafío nos plantexa a fenda dixital?
Ampliar a capacidade de acceso ás TIC por parte da poboación.
Ampliar a capacitación das persoas para que poidan beneficiarse das TIC.
Aplicar ás TIC para un uso público, na economía, na educación e na saúde.
Todas as respostas anteriores son correctas.
Cales poden ser as principais causas da fenda dixital?
Por mor das desigualdades económicas e sociais existentes.
Por causa de dificultades xeográficas. Por exemplo, unha orografía complicada para o desenvolvemento das infraestruturas de telecomunicacións.
Por falta de capacitación e debido os altos niveis de analfabetismo existentes.
Todas as respostas anteriores son correctas.
Licenciado baixo a GNU Free Documentation License