8. - Glosario

C

• Caducifolio/a

Dise das árbores e arbustos que perden a folla cando empeza a estación fría ou seca.

• Cartografía

Arte de trazar mapas xeográficos e ciencia que os estuda.

• Coníferas

Plantas leñosas de tronco ramificado, froitos cónicos e follas persistentes, como o piñeiro e o ciprés.

D

•  Densidade

Relación entre a masa e o volume dos corpos.

E

•  Estrelas duplas

Sistema de dúas estrelas que aparecen moi próximas no firmamento e teñen centro común de gravidade.

F

•  Fraga

Terreo con variedade de árbores nacidas espontaneamente e mato espeso.

G

•  Gándara

Terreo chan enchoupado de auga con escasa e característica vexetación.

•  Greenwich

Localidade próxima a Londres, célebre polo seu observatorio.

S

•  Salinidade

Cantidade de sales disolvidos nun quilogramo de auga de mar.

X

•  Xeoquímica

Estudo da distribución, proporción e asociación dos elementos químicos da codia e das leis que as condicionan.