4.1.2 - Axentes externos

Por erosión desgastan e igualan a superficie terrestre.

• Ventos: arrastran areas e outras partículas miúdas das rochas que, empurradas contra outras, se destrúen pouco a pouco. Ao ir minguando a forza do vento, estes materiais acumúlanse formando solos e montiños de area: dunas.
• Cambios de temperatura: producen dilatacións e contraccións que gretan e rachan as pedras en anacos máis pequenos.
• Augas correntes (ríos, torrentes): arrincan, transportan e sedimentan materiais. Os terreos formados polos materiais depositados chámanse aluvións.
• Auga do mar: modifica o litoral.
• Seres vivos: as raíces das plantas esmiúzan as rochas; os corais forman illas e arrecifes. As persoas son importantes modificadores da superficie terrestre, construíndo diques, estradas, escavando túneles…

Os axentes externos van destruíndo as partes máis saíntes do relevo e depositando os materiais nas zonas baixas. O terreo resultante é unha penechaira.

Nalgunhas praias, o vento arrastra a area traída polo mar ou os ríos. Se topa un atranco, deposítase e forma dunas. As dunas próximas ao mar son móbiles; as outras, fixas.

A vexetación das dunas axuda a fixar a area

Partes dun río