2.1.6 - Como traballar co Mapa Topográfico Nacional
O Mapa Topográfico Nacional (MTN), de escala 1/25.000, é útil para actividades cartográficas. Está impreso en follas que se distinguen por:
- Un número na parte superior dereita.
- Un nome no centro da marxe superior, que corresponde ao núcleo de poboación máis importante representado na folla.
Na marxe inferior central aparecen os cadros:
- Distribución de follas a escala 1:50.000.
- División e nomenclatura. Escala 1:25.000, que informa das follas limítrofes.
- División administrativa, con indicación dos concellos lindeiros.
Na marxe inferior dereita aparecen os signos convencionais utilizados para uso do solo.
Na marxe esquerda hai un vocabulario galego-castelán.
Cada folla está limitada por dous arcos de meridiano de 20´, que equivale a 27.400 m (1370 m x 20). O valor desta lonxitude refírese desde 1970 ao meridiano de Greenwich. Ata 1970 referíase ao de Madrid, que se consideraba o meridiano 0º.
Cada folla está limitada por dous arcos de paralelo separados 5´, é dicir, 9.250 m.
Polos signos convencionais explicados na contraportada represéntanse no mapa estradas, ferrocarrís, vías fluviais, límites, divisións administrativas e signos convencionais.
Equivalencias aproximadas
|
Para meridianos |
Para paralelos |
|
1º = 111.111 m (39.999.960 m: 60) |
Paralelo ecuatorial: |
|
1´ = 1.850 m (111.111 m : 60) |
1º = 111, 306 km (40.070.160 m : 360) |
|
1´´ = 30,83 m (1.850 m : 60) |
Paralelo a 43º latitude |
|
|
1º = 82.200 m(29.592.000 m : 360) |
|
|
1´ = 1.370 m (82.200 m : 60) |
Actividades propostas
S6. Sinale nun mapa o Norte, o Sur, o Leste e o Oeste.
S7. Lembre:
- Para que serven as coordenadas xeográficas?
- Que liñas imaxinarias permiten determinar a lonxitude?
- Que podemos marcar cos paralelos?
- Cantos graos oscila o valor da lonxitude? E o da latitude?
S8. Defina: lonxitude, latitude, escala, curvas de nivel e fuso horario.
S9. Que meridiano se toma como referencia dos fusos horarios? En cantos fusos horarios está dividida a Terra?
S10. Complete este cadro:
|
Tempo |
Arco |
Arco |
Tempo |
|
24 horas |
|
360º |
|
|
1 hora |
|
1º |
|
|
1 minuto |
|
1´ |
|
|
1 segundo |
|
1´´ |
|
S11. Redacte esquematicamente estas ideas:
- Clases de escalas.
- Que representan as curvas de nivel?
- Que significan as curvas de nivel próximas? E as curvas separadas?
- Para que se utilizan os signos convencionais nos mapas e planos?
Licenciado baixo a Creative Commons Attribution Non-commercial Share Alike License 3.0