3.1.2 - Tipos de paisaxes naturais

Entre a multitude de paisaxes naturais compre salientar as paisaxes condicionadas polo tipo de clima:

• Selva virxe. Bosque ecuatorial continuo e sempre verde, con grande variedade de especies vexetais e reducida vida animal.
• Sabana. Formación vexetal herbácea, salpicada de grandes árbores, onde se atopa unha numerosa e variada fauna.
• Estepa. Territorio con formacións herbáceas curtas e descontinuas debido á súa acidez.
• Deserto. Área con carencia case total de vexetación e moi escasa vida animal.
• Taiga. Zona con extensos bosques de coníferas en áreas moi frías.
• Paisaxe de montaña. Os bosques de caducifolias, de coníferas e os prados naturais están en gradación pola altitude.

Na Terra aínda quedan lugares nos que a natureza se conserva plenamente. Neles as forzas físicas, clima, hidrografía, erosión…son as únicas modificadoras da paisaxe.