2.1.3 - A escala

A relación que existe entre unha distancia medida sobre o mapa e a correspondente sobre o terreo chámase escala do mapa.Hai dúas formas de representar a escala:

• Escala numérica: mediante un número.
• Escala gráfica: por medio dunha liña gráfica graduada.

A diferenza entre uns mapas e outros vén dada pola escala. Un mapa de escala 1:100.000 indica que dous puntos distantes 1 cm no mapa están separados 100.000 cm = 1.000 m = 1 km na realidade.

Canto maior sexa a escala, maior será o detalle; pero menor o espazo terrestre comprendido polo mapa, e viceversa.