Os réptiles son animais moi antigos que dominaron a Terra durante millóns de anos. Son descendentes directos dos dinosauros e, a diferenza dos anfibios, están totalmente adaptados á vida terrestre. Podemos atopalos en desertos, bosques, ríos e incluso no mar! Algúns son pequenos e áxiles, mentres que outros poden alcanzar tamaños enormes.

Todos os réptiles comparten algunhas características comúns, como:

• Teñen pel grosa seca cuberta de escamas que os protexe da deshidratación e dos depredadores. Algúns como as serpes, mudan toda a pel dunha vez e outros, fano en pequenas partes.
• Respiran por pulmóns, incluso os que viven na auga como as tartarugas mariñas.
• As extremidades varían segundo o grupo: a maioría teñen patas curtas e fortes (como os lagartos e as tartarugas), pero as serpes non teñen patas e móvense arrastrándose e os crocodilos teñen patas con membranas para nadar mellor.
• A maioría son ovíparos. Poñen ovos cunha casca dura en terra para protexelos da secura. Algúns réptiles como certas serpes, poden ser ovovivíparos, é dicir, os ovos desenvólvense dentro da nai.
• Son de sangue frío. A súa temperatura corporal depende do ambiente por iso prefiren lugares cálidos e toman o sol para quentárense.