Diario de aprendizaxe
Tras moito esforzo, completaches a fase 4 e conseguiches o teu obxectivo. Nesta fase puxeches en práctica todo o que aprendiches durante a situación de aprendizaxe. Participaches na preparación da exposición, na creación de xogos, dos paneis informativos e dun espazo para que os visitantes poidan deixar as súas opinións e compromisos. Foi unha experiencia chea de retos, traballo en equipo e aprendizaxes importantes.
Agora podes escribir no diario sobre como foi todo ese proceso, que desafíos atopaches e como os superaches. Anotar e compartir deste xeito os teus logros, inquedanzas e avances servirache moito na túa aprendizaxe futura.
Lectura facilitada
Completaches a fase 4 e conseguiches o teu reto.
Axudaches a preparar a exposición.
A crear xogos.
A crear os paneis informativos.
A crear o panel de compromisos e de opinión.
Compartiches coñecementos.
Superaches retos, traballaches en equipo e empregaches distintas ferramentas.
Todo o aprendido serache moi útil para o futuro.
Agora debes anotar no teu diario todo o proceso.