Despois de todo o traballo de investigación, preparación dos carteis, creación dos xogos e organización da exposición, chegou o momento de valorar o resultado final.

Unha das formas de saber que impacto tivo o traballo de todos os equipos, é analizar o que escribiron as nenas, nenos e familias no Panel de Compromisos e Opinións.

Por iso, ti e o teu equipo, ides facer un pequeno debate no que reflexionaredes sobre estes aspectos:

• Que compromisos e opinións deixaron os visitantes? Hai ideas ou compromisos que vos chamaron a atención?
• Que valoracións positivas fixeron sobre a exposición? Que cousas pensades que gustaron máis?
• Houbo comentarios que sinalen aspectos para mellorar? Por que credes que eses aspectos poderían mellorarse?
• Que propostas de mellora podedes facer para próximas exposicións? Que fariades doutro xeito se repetísemos este proxecto?

Ademais, faredes unha reflexión conxunta entre todos os grupos sobre todo o proceso vivido: que aprendestes, que foi difícil, que cousas vos gustaron máis e que habilidades desenvolvestes ao longo do proxecto.

Anotade as conclusións e as propostas de mellora no Diario de aprendizaxe do voso grupo. 

Lembrade que todas as opinións son importantes e que debedes escoitar, respectar e valorar o que pensan os demais.