Xogando en equipo

Dividido o grupo en equipos, ides xogar ao Bingo dos animais. O xogo consistirá en completar tres cartóns con animais que veredes no encerado a través das pistas misteriosas que irá dando a vosa mestra/mestre sobre diferentes animais. A vosa misión será adiviñar de que animal se está a falar en cada cartón. De cada vez se lle preguntará a un equipo. Este terá 10 segundos para debater e dar unha resposta. Se responde ben, marcará o animal. Se falla, perderá a oportunidade e a quenda pasará ao seguinte grupo.

Seredes capaces de completalo entre todas e todos?

Cartel de bingo proxectado nunha pantalla interactiva con quince animais: oso pardo, cegoña, píntega, corzo, bufo, lagarto, raia, serpe, aguia, anguía, lobo, tartaruga,salmón, teixugo e ra. O lagarto e o teixugo teñen enriba unha cruz vermella. Tamén hai dúas mans suxeitando un papel que pon: Vivo baixo a terra e como de todo.