Para poder planificar e deseñar mellor a exposición interactiva e a campaña de concienciación sobre os animais en perigo de extinción, é moi importante informáreste ben e investigares sobre eles. Coñecer algúns animais autóctonos galegos, saber como se clasifican, descubrir como se alimentan, como respiran, como se relacionan ou como se reproducen, axudarache a entender mellor a súa importancia e os perigos aos que se enfrontan.
Cantas máis cousas saibamos, mellor poderemos explicarlles ás demais persoas como e por que é tan importante coidalos e protexelos!
Lectura facilitada
Para conseguir o reto é fundamental que che informes ben sobre os animais e investigar sobre eles.
Debes seguir os seguintes pasos:
- Coñecer algúns animais naturais de Galicia.
- Saber como se clasifican os animais.
- Coñecer como se alimentan, respiran, como se relacionan e se reproducen.