1.3. A misión

Glosario

Animais autóctonos

Definición:: Son animais que viven de forma natural nun lugar determinado.
Exemplo:: O lobo ibérico é un dos animais autóctonos máis coñecido de Galicia.

Campaña de concienciación

Definición:: Conxunto de actividades e mensaxes para informar e facer reflexionar ás persoas sobre algo importante.
Exemplo:: Lanzamos unha campaña para coidar aos animais da nosa contorna.

Exposición interactiva

Dúas persoas ollando unha exposición e outras dúas sentadas nunha mesma xogando.

Definición:: Actividade na que se pode aprender vendo, tocando e xogando.
Exemplo:: Na exposición xoguei a un memory de pegadas.

Perigo de extinción

Definición:: Situación de risco en que quedan moi poucos individuos dunha especie e están a piques de desaparecer.
Exemplo:: O oso pardo está en perigo de extinción debido á perda do seu fogar.

Obxectivos

A túa misión será acadar os seguintes obxectivos mentres preparas a exposición interactiva:

Aprender as principais características dos diferentes grupos de animais.
Recoñecer e identificar especies animais autóctonas de Galicia.
Coñecer as funcións vitais dos animais e o seu papel nos ecosistemas.
Planificar e deseñar unha exposición e unha campaña de concienciación sobre a protección das especies animais.
Reflexionar sobre as ameazas que sofren algunhas especies e buscar solucións para protexelas.

Lectura facilitada

A túa misión ten varios obxectivos:

Aprender como son os distintos grupos de animais.
Identificar animais naturais de Galicia.
Coñecer as funcións vitais e o seu papel no ecosistema.
Preparar unha exposición e unha campaña de concienciación.
Pensar nas ameazas que sofren e buscar solucións para axudalos.

Audio

Que vas aprender?

A coñecer as funcións vitais dos animais.

Animal ollando unha mazá, unha planta e un filete

A identificar animais autóctonos de Galicia.

Debuxo dun xabaril

A recoñecer e clasificar diferentes grupos de animais.

Debuxo dun camaleón, un gorila e unha anduriña

A organizar unha exposición.

Exposición con dous taboleiros de cortiza: nun pon “oso pardo” e vese unha imaxe dun oso pardo e dous carteis que poñen “reprodución e alimentación”; no outro pon “aguia real” e vense unha imaxe dela e dous carteis que poñen “hábitat e causas”. Ademais hai un neno e unha nena de costas ollando os dous taboleiros