Sodes un equipo
Para planificar a exposición e a campaña, o primeiro que hai que facer é formar equipos de traballo.
Para crear os equipos, xogarás ao "Quen son?", un divertido xogo no que deberás descubrir que animal es e a que grupo principal de animais pertences (mamíferos, aves, réptiles e peixes), colaborando coas túas compañeiras e compañeiros, a través de preguntas, mímica e sons.
Cando xa estean os grupos listos, vén a parte divertida: xunto co teu equipo tes que pensar e elixir un nome xenial que vos represente. Pode ser algo creativo, divertido ou relacionado co reto que ides desenvolver. Deixade voar a vosa imaxinación e poñédevos de acordo. Mans á obra!
Lectura facilitada
Para comezar, formaredes equipos de traballo.
Xogarás ao "Quen son?" para descubrir que animal es.
Levarás un post-it nas costas co nome dun animal.
Terás que facer preguntas para adiviñar cal é.
Tamén podes usar mímica, sons e pistas curtas.
Cando descubras que animal es, busca o teu grupo:
mamíferos, aves, réptiles, peixes ou anfibios.
Cando o grupo estea completo, elixiredes un nome.
Debe ser creativo, divertido e que vos represente.
Mans á obra!
Audio
Necesitaredes
Post-it ou etiquetas adhesivas.
Lista de animais por grupos (mamíferos, aves, peixes, réptiles e anfibios).
Rotuladores.
Regras do xogo
- A persoa docente escribirá en cada post-it o nome dun animal.
- A continuación, pegará nas costas de cada un, o post-it co nome do animal sen que ninguén vexa cal lle tocou.
- Deberedes camiñar pola aula e preguntar aos vosos compañeiros e compañeiras para descubrir que palabra tedes no voso post-it. As preguntas deben ter como resposta "si" ou "non". Por exemplo:
Son un vertebrado? Vivo no bosque? Teño plumas? - As vosas compañeiras e compañeiros poden ofrecervos pistas mediante mímica, sons do animal ou pistas curtas (por exemplo "Vives no mar", "Tes ás", "Es un felino"...).
- Cando descubrades que animal sodes, debedes buscar os membros do voso mesmo grupo (por exemplo, todos os mamíferos ou todas as aves).