Se pensas en animais, seguramente os primeiros que che veñen á mente son mamíferos, aves ou réptiles. Pero sabías que preto do 95% dos animais do planeta son invertebrados? Podemos atopalos en todos os hábitats, dende o fondo do mar ata os bosques e prados, desempeñando un papel fundamental na natureza. 

Os invertebrados non teñen esqueleto interno nin columna vertebral. Algúns teñen proteccións externas como cuncha ou exoesqueleto como por exemplo os cangrexos e os caracois. A maioría son ovíparos. Poñen moitos ovos dos que nacen larvas, que medran e convértense en animais adultos. Son heterótrofos, é dicir, aliméntanse doutros seres vivos.

Hai numerosos grupos de invertebrados. Os máis coñecidos son os artrópodos, moluscos, equinodermos, cnidarios, anélidos e poríferos. Nas seguintes páxinas aprenderemos moitas cousas sobre cada grupo.