4.1. Misión investigación

Busca de información

Mans escribindo nun teclado de ordenador Se queres dar a coñecer a situación do oso pardo e os seus amigos ao resto do cole, tes que descubrir por que están ameazados, como viven e que podes facer para axudalos. Para iso, xunto co teu equipo, buscarás información utilizando fontes variadas: biblioteca do centro, Internet, familias...

Lectura facilitada

Para contar como está o oso pardo e outros animais ameazados,
necesitas saber por que están en perigo, como viven e como axudar.

Buscarás información en distintos sitios:
– Biblioteca
– Internet
– Familias
– Outras fontes

Audio

Traballa en equipo

Xunto co teu equipo, terás que facer as seguintes tarefas:

Investigar sobre dous animais en perigo de extinción en Galicia (un vertebrado e un invertebrado).
Cubrir unha ficha ou guión cos seguintes datos: nome, tipo, onde vive, de que se alimenta, por que está en perigo e como podemos protexelo.
Gardar imaxes ou datos importantes para os paneis.

Cada persoa do grupo investigaredes sobre un aspecto en cada un dos animais e ao rematar, compartiredes a información entre todo o equipo para facer o cartel xuntos.

Pictograma que representa a dúas persoas poñéndose de acordo