Esta tarefa consiste na creación dun xogo con varios seres vivos no escenario, para escoller segundo as instrucións do xogo. A persoa que xogue debe premer nos seres vivos que cumpran unha condición, por exemplo: plantas, animais, fungos, moluscos e outras categorías. Se a selección é correcta, escóitase unha música de "correcto" e o ser vivo desaparece do escenario. Se a selección é incorrecta, reprodúcese un son para indicar que foi mal. Cando remata o xogo aparece unha mensaxe final.

Pasos:

1. Escolle un tema sobre os reinos dos seres vivos. Pode ser, por exemplo, fungos, moluscos, insectos ou calquera outro.
2. Pensa na idade das persoas que utilizarán o xogo e elixe un nivel de dificultade adecuado.
3. Revisa a lista de cousas que debe ter ou facer o xogo.
4. Crea un guión do xogo ou un diagrama de fluxo.
5. Visita o sitio web de Scratch (nova xanela).
6. Pon os seres vivos no escenario e comeza a programar con Scratch.
7. Comproba o xogo.
8. Revisa de novo a lista por se falta algo.
9. Comparte a túa creación e convida ao resto da clase a xogar.

Para entender mellor a forma de crear o xogo, mira este vídeo.