Os principais niveis de organización dun organismo, dende os máis simples ata os máis complexos, son: átomos, moléculas, orgánulos, células, tecidos, órganos, sistemas de órganos e o organismo.
Na imaxe, podemos ver como son os niveis de organización no organismo humano. Preme para ampliar o debuxo.
As células agrúpanse e forman distintos niveis de organización. O resultado é un organismo.
Os seres pluricelulares pódense organizar en diferentes niveis:
Aquí tes un esquema interactivo sobre os niveis de organización dos seres vivos pluricelulares. Preme nos títulos para ver a explicación.
O primeiro nivel son as células.
O segundo nivel son os tecidos. As células cunha mesma función agrúpanse, todas teñen características similares e están conectadas entre si. Por exemplo, nos seres humanos, as células con capacidade para contraerse forman o denominado tecido muscular.
O terceiro nivel son os órganos: os tecidos agrúpanse para realizar unha función común. Por exemplo, o corazón é un órgano que ten como función impulsar o sangue.
E o cuarto nivel serían os aparellos e sistemas: son un conxunto de órganos e de estruturas anexas que traballan conxuntamente para a realización dunha determinada función. Por exemplo, o corazón, o sangue e os vasos sanguíneos forman o aparello circulatorio.
Os niveis de organización nun ser pluricelular son:
Un tecido é un conxunto de células que teñen a mesma función
e características similares. Por exemplo, o tecido muscular.
Un órgano é un conxunto de tecidos que realiza unha función común.
Por exemplo, o corazón é un órgano; a súa función é mover o sangue polo corpo.
Os aparellos e sistemas son grupos de órganos e outras estruturas,
que traballan conxuntamente para realizar unha función. Por exemplo, o aparello respiratorio.
Licenciado baixo a Licenza Creative Commons Atribución Non-comercial Compartir igual 4.0