Reino dos animais

Glosario

Heterótrofa

Definición:: Organismo que se debe alimentar de outros seres vivos
Exemplo:: Os animais e os fungos son animais heterótrofos

Aeróbica

Definición:: A respiración aeróbica ou respiración aerobia é un tipo de respiración celular na que se require osíxeno.
Exemplo:: O león ten respiración aeróbica.

Características, clasificación e tipos

O reino dos animal é o máis evolucionado.

Características dos animais

Fotografía duns cervos na neve

Características:

Divídese en dous grandes grupos: vertebrados e invertebrados.
Os animais son seres pluricelulares e as súas células son eucariotas.
A respiración é aeróbica.
A súa reprodución é sexual.
Posúen a capacidade de desprazamento con autonomía.
Aliméntanse doutros seres vivos, polo tanto son heterótrofos.

Clasificación

Existen diversas formas de clasificar os animais:

Segundo a anatomía

Vertebrados: animais que teñen columna vertebral. Por exemplo, o gato.

Invertebrados: non teñen columna vertebral. Por exemplo, a mosca.

Pictograma que representa unha mosca

Segundo a alimentación

Herbívoros: animais que se alimentan exclusivamente de plantas. Por exemplo, a vaca.

Carnívoros: aliméntanse só doutros animais. Por exemplo, o crocodilo.

Omnívoros: consumen animais e vexetais. Por exemplo, o porco.

Detritívoros: son animais que consumen restos en descomposición procedentes doutros animais ou plantas. Por exemplo, a miñoca.

Pictograma de representa unha miñoca

Segundo a forma de reprodución

Reprodución sexual: implica a intervención de dous proxenitores de sexos diferentes. Por exemplo, o can e a cadela.

Reprodución asexual: un proxenitor produce copias exactas de si mesmo. Por exemplo, algunhas especies de lagartas.

Pictograma que representa unha lagarta

Segundo a forma de nacer

Vivíparos: as crías desenvólvense dentro do corpo da nai. Por exemplo, os gatos.

Ovíparos: as crías nacen de ovos. Por exemplo, as bolboretas.

Ovovivíparos: as crías nacen de ovos, pero, a diferenza dos animais ovíparos, os ovos están dentro do corpo da nai ata o nacemento. Por exemplo, algunhas especies de víboras.

Existen animais que teñen outras formas de reprodución coma, por exemplo, as estrelas de mar, que son capaces de crear unha nova estrela a partir dun fragmento do seu corpo.

Ilustración da reprodución dunha estrela de mar

Como a forma más habitual de clasificar os animais é tendo en conta a súa anatomía, dedicaremos un pouco máis de tempo aos animais vertebrados e invertebrados.

Audio

Animais vertebrados: características e clasificación

Características dos animais vertebrados

Teñen un esqueleto interno formado por ósos e a súa parte máis importante é a columna vertebral.
O seu corpo divídese en cabeza, tronco e cola ou rabo.
Do tronco saen as extremidades (poden ser patas, ás ou aletas). Con elas, pódense desprazar.

Clasificación

Aquí tes un esquema interactivo sobre a clasificación dos animais vertebrados. Preme nos títulos para ver a explicación e algúns exemplos.

Mamíferos

Características

Teñen o corpo cuberto de pelo.
Teñen catro extremidades.
Respiran por pulmóns.
Son vivíparos (as crías nacen do ventre da súa nai, e ademais teñen mamas que segregan leite para alimentar as súas crías).

Exemplos

León, vaca, ovella, cabalo...

Réptiles

Características

Teñen o corpo cuberto de escamas.
Na súa maioría, teñen catro extremidades en forma de patas (mais hai excepcións, coma, por exemplo, as serpes que carecen delas).
Teñen pulmóns para respirar.
Son ovíparos (nacen de ovos).

Exemplos

Camaleón, serpe, tartaruga, lagarto...

Aves

Características

Teñen o corpo cuberto de plumas.
Teñen peteiro.
Teñen catro extremidades, das cales as dúas dianteiras en forma de ás e as traseiras en forma de patas.
Son ovíparos.

Exemplos

Galiña, aguia, gaivota, curuxa...

Anfibios

Características

Teñen a pel lisa (sen pelo, plumas nin escamas).
As súas extremidades son patas.
Os anfibios pasan por unha fase acuática (cando son larvas) na que respiran por branquias, e outra terrestre, na que os anfibios adultos respiran por pulmóns, pero tamén poden respirar a través da súa pel. A pesar de que cando son adultos xa non son acuáticos, si que viven en zonas moi húmidas e preto da auga.
Son ovíparos.

Exemplos

Ra, sapo, salamántiga, píntega...

Peixes

Características

Son animais acuáticos.
Teñen o corpo cuberto de escamas.
As súas extremidades están en forma de aletas, para nadar.
Respiran por branquias.
Son ovíparos.

Exemplos

Pescada, rodaballo, sardiña, xurelo...

Lectura facilitada

Os animais vertebrados forman 5 grupos:

Mamíferos
Réptiles
Anfibios
Aves
Peixes

Características dos animais de cada grupo.

Mamíferos:

Teñen o corpo cuberto de pelo.
Teñen catro patas.
Respiran por pulmóns.
Son vivíparos.

Exemplos: león e vaca.

Réptiles:

Teñen o corpo cuberto de escamas.
Case todos teñen 4 patas, agás as serpes, que non teñen patas.
Respiran cos pulmóns.
Son ovíparos.

Exemplos: camaleón e tartaruga.

Anfibios:

Non teñen pelo, plumas nin escamas.
As extremidades son patas.
Cando son crías respiran por branquias.
De adultos respiran cos pulmóns.
Tamén poden respirar pola pel.
Son ovíparos.

Exemplos: ra e sapo.

Aves:

Teñen o corpo cuberto de plumas.
Teñen peteiro.
Teñen dúas extremidades con forma de ás.
As outras dúas extremidades son as patas.
Son ovíparos.

Exemplos: galiña e aguia.

Peixes:

Son acuáticos.
Teñen o corpo cuberto de escamas.
As patas teñen forma de aletas.
Respiran con branquias.
Son ovíparos.

Exemplos: pescada e sardiña.

Audio

Animais invertebrados: características e clasificación

Características dos animais invertebrados

Teñen, polo xeral, unha serie de características comúns:

Non teñen ósos nin columna vertebral.
Algúns protexen os seus corpos con cunchas ou cachos.
Case todos son ovíparos.

Clasificación

Aquí tes un esquema interactivo sobre a clasificación dos animais invertebrados. Preme nos títulos para ver a explicación e algúns exemplos.

Esponxas

Características

Son animais acuáticos.
Teñen forma de saco.
O seu corpo está completamente cheo de poros.

Exemplos

Esponxa de tubo, esponxa abano, esponxa barril, esponxa floreiro...

Medusas e corais

Características das medusas

Viven en mares e océanos.
Os seus corpos son xelatinosos e con tentáculos.

Exemplos:

Carabela portuguesa, medusa luminiscente, medusa lúa...

Características dos corais

Son animais mariños moi pequenos.
Producen uns residuos calcarios que dan lugar a unhas fermosas formas.

Imaxe de corais

Exemplos

Corais pétreos (poden formar arrecifes), corais brandos.

Equinodermos

Características

Os seus corpos teñen unhas capas calcarias que forman unha especie de "cacho".
Algúns teñen o corpo redondo recuberto por pugas, que utilizan como mecanismo de defensa (por exemplo, os ourizos de mar).

Outra variedade dentro deste grupo son as estrelas de mar, cun corpo cheo de brazos e coa particularidade de que se rompe un deles, este volverá a reproducirse.

Exemplos

Estrela espiñosa común, estrela vermella de mar, estrela de area...

Vermes

Características

Teñen o corpo brando e alongado.
Desprázanse arrastrando o corpo polo chan, xa que non teñen patas.
Poden ser acuáticos ou terrestres.

Acuático:

Imaxe de verme de lume

Exemplos

Verme de lume, verme escamudo e verme de tubo.

Terrestre:

Imaxe de miñoca

Exemplos: verme de seda, miñoca, tenia...

Moluscos

Características

O seu corpo é brando e sen patas.
Poden ser acuáticos ou terrestres.
Poden ter ou non cunchas.

Á súa vez, os moluscos subdivídense en tres grupos:

Cefalópodos (exemplos: luras e polbos).

Imaxe dunha lura

Bivalvos: teñen dúas cunchas (exemplos: as ostras, os mexillóns e os berberechos).

Imaxe dunha ostra

Gasterópodos ou univalvos: teñen unha cuncha (exemplo: buguina de mar, lapa e lebre de mar).

Imaxe dunha buguina de mar

Artrópodos

Características

Son os animais máis abundantes do noso planeta.
Teñen un esqueleto externo que se chama cutícula.

O xeito máis usado para clasificar este tipo de animais é polo seu número de patas. Así, podemos distinguir:

Insectos (con seis patas). Exemplo: a formiga.

Arácnidos (con oito patas). Exemplo: a araña.

Imaxe dunha araña

Crustáceos (con dez patas). Exemplo: o cangrexo.

Imaxe dun cangrexo

Miriápodos (con máis de dez patas). Exemplo: o cempés.

Lectura facilitada

Características dos animais invertebrados:

Non teñen ósos nin columna vertebral.
Algúns protexen os seus corpos con cunchas.
Case todos poñen ovos.

Os animais invertebrados clasifícanse en 6 grupos:

Esponxas
Medusas e corais
Equinodermos
Vermes
Moluscos
Artrópodos

Esponxas

Características

Son animais acuáticos.
Teñen forma de saco.
O seu corpo está completamente cheo de poros.

Exemplos: esponxa de tubo e esponxa abano.

Medusas e corais

Características das medusas

Viven en mares e océanos.
Os seus corpos son xelatinosos e con tentáculos.

Exemplos: carabela portuguesa e medusa luminiscente.

Características dos corais

Son animais mariños moi pequenos.
Producen uns residuos que son como pedras, que dan lugar a unhas fermosas formas.

Exemplos: corais pétreos e corais brandos.

Equinodermos

Características

Os seus corpos teñen unhas capas que parecen cunchas.
Algúns teñen pugas no corpo para defenderse.
As estrelas de mar teñen brazos, se rompen un brazo pode medrar outra estrela de mar.

Exemplos: estrela espiñosa común e estrela vermella de mar.

Vermes

Características

Teñen o corpo brando e alongado.
Desprázanse arrastrando o corpo polo chan porque non teñen patas.
Poden ser acuáticos ou terrestres.

Exemplos: verme de lume e miñoca.

Moluscos

Características

O seu corpo é brando e sen patas.
Poden ser acuáticos ou terrestres.
Algúns teñen cunchas.

Os moluscos subdivídense en tres grupos:

Cefalópodos. Por exemplo o polbo.
Bivalvos. Teñen dúas cunchas, como, por exemplo, o mexillón.
Gasterópodos ou univalvos. Teñen unha cuncha, como, por exemplo, a buguina de mar.

Artrópodos

Características

Son os animais máis abundantes do noso planeta.
Teñen un esqueleto externo que se chama cutícula.

O xeito máis usado para clasificar este tipo de animais é polo seu número de patas. Así, podemos distinguir:

Insectos (con seis patas). Exemplo: a formiga.
Arácnidos (con oito patas). Exemplo: a araña.
Crustáceos (con dez patas). Exemplo: o cangrexo.
Miriápodos (con máis de dez patas). Exemplo: o cempés.

Audio

Resumo

Resumo da clasificación dos animais segundo a súa anatomía