Saltar navegación

1.3. Obxectivos

 

Glosario

Material de refugallo

material de refugallo

Definición:

O material de refugallo son todos aqueles materiais que se poden reutilizar para crear outros obxectos. Poden ser botellas de plástico, bolsas, envases e contedores, metais, produtos de papel ou cartón, vidros, teas...

Exemplo:

Faremos as fichas do xogo con material de refugallo.

Ficha técnica

modelo de ficha técnica

Definición:

Unha ficha técnica é un documento que contén información importante sobre un produto.

Exemplo:

Tedes que recoller a información dun animal nunha ficha técnica.

O que debes conseguir

Seguro que alcanzarás estes obxectivos cando remates o reto:

  1. Elaborar un xogo co teu grupo de traballo.
  2. Dominar os contidos de ciencias que imos precisar.
  3. Ser capaz de explicar a dinámica do xogo do teu grupo a outras persoas.
  4. Organizar un taller de xogos de mesa.
  5. Aproveitar e reutilizar material de refugallo para elaborar un xogo.
  6. Elaborar fichas técnicas de ciencias naturais.

O que vas aprender

Pictograma con tres xogos coñecidos: tres en raia, parchís e ganso

Investigarás diferentes dinámicas de xogos de mesa.

Ilustración que amosa caras de 2 nenas e 2 nenos

Deseñarás e elaborarás co teu equipo un xogo de mesa.

unha persoa escribindo nunha ficha

Aprenderás a elaborar unha ficha técnica.

diferentes animais

Saberás diferentes contidos de ciencias: os seres vivos, a célula e os reinos da natureza.

un contedor de cartón e unha caixa

Reutilizarás material de refugallo para elaborar o teu xogo de mesa.

dúas persoas falando

Desenvolverás as túas habilidades de oratoria explicando o teu xogo a outras persoas.

Feito con eXeLearning (Nova xanela)