SAN MARTIÑO

Zeus faber

"Inconfundible pola súa gran aleta dorsal de radios espiñentos e o gran lunar escuro rodeado de

amarelo en cada costado".

Corpo comprimido lateralmente, co dorso alto e as mandíbulas prominentes. A súa cor é de amarelo a verde agrisado.

Sen escamas, salvo na liña lateral que por certo é curvada.
Pode proxectar as mandíbulas sobresaíndolle da boca, o que lle vén estupendo para cazar pequenos peixes e crustáceos, xa que non é bo nadador.
E un peixe de carne moi apreciada polos humanos. Pode chegar aos 5 quilogramos de peso.

"Unha lenda di que san Martiño colleu este peixe, e ante os laios que daba e o feo que era,soltouno,

deixándolle a marca dos dedos no corpo do peixe, de aí a mancha dos costados".

Hai outras especies no vídeo ademais do san Martiño:

No seguinte vídeo do San Martiño filmado preto das Illas Cíes, vense dúas especies máis. Lendo a descrición que ven a continuación destas dúas especies, indicade cal é cada unha nas fotos que están despois do vídeo.

Sargo, Diplodus sargus	Dourada, Sparus aurata
Especie abundante nas costas galegas, corpo comprimido lateralmente, de fondo gris cunha serie de bandas escuras verticais nos costados, que poden chegar a desaparecer coa idade, menos a que está no pedúnculo (onde se xuntan cola e corpo), que é a máis grosa e escura e non desaparece nunca. O bordo da aleta caudal está reberetado de negro.	Corpo comprimido lateralmente, liñas lonxitudinais escuras nos costados. Banda escura sobre a aleta dorsal, a aleta caudal está revestida dunha banda negra e franxa dourada na parte superior dos ollos, de aí o nome deste peixe.

Colón de Cangas. San Martiño (CC BY-NC-SA)

Imos á peixaría!

Un bo xeito de aprender as especies de peixes do mar é ir á peixaría. A continuación hai 3 imaxes da peixaría do mercado de Cee (A Coruña) e nunha das caixas sae un dos peixes tratados, que caixa é?, de que especie se trata?

Belén L. Arenal. ***Caixa nº 1*** (CC BY-NC-SA)

Belén L. Arenal. ***Caixa nº 2*** (CC BY-NC-SA)

Belén L. Arenal. ***Caixa nº 3*** (CC BY-NC-SA)

Obra publicada con Licencia Creative Commons Reconocimiento Compartir igual 4.0