Obxectivos | FAUNA GALEGA

Coñecer especies de fauna galegas comúns ou características por algún motivo: endémicas, vulnerables, en perigo ou conflitivas co ser humano.
Empregar o Catálogo Galego de Especies Ameazadas de Galicia como iniciación no tratamento legal da nosa fauna.
Describir e diferenciar especies con propiedade empregando a terminoloxía específica de cada grupo.
Amosar a problemática das especies invasoras.
Diferenciar os termos de: invasor, alóctono e autóctono.
Entender as migracións e variacións estacionais.
Abrir os ollos á natureza, descubríndoa con curiosidade e entusiasmo.
Construír e instalar estruturas que favorezan á fauna.
Consultar guías de natureza, tanto en soporte de papel como dixital, ca fin de identificar especies.
Recoñecer restos e/ou rastros de fauna sen danar o medio.
Rexistrar as observacións nun caderno de campo ou a través de gravacións e compartir os datos co grupo.
Chegar a identificar no campo , por observación directa ou detección indirecta especies de fauna galega observable na contorna do alumnado.
Recompilar información sobre a fauna na cultura popular na contorna.
Recoñecer, valorar e gozar o benestar que nos proporciona a natureza a todos os niveis.
Concienciar do beneficio persoal e social de participar na defensa da natureza.
Coñecer asociacións, entidades e proxectos nos que poder colaborar na defensa da natureza.
Permitir a aprendizaxe a través das TIC con recursos audiovisuais.