Unha variable é un espazo na memoria que nos permite gardar datos para utilizalos máis tarde no noso programa. En Python, non fai falta declarar o tipo da variable previamente; Python detéctao automaticamente cando se lle asigna un valor.

Por exemplo:

# Declaración dunha variable en Python
idade = 16  # Aquí "idade" garda o número 16
print(idade)  # Mostra 16    

En Python existen diferentes tipos de variables que podemos utilizar segundo o tipo de datos que queremos almacenar. Estes son os principais tipos:

• int (enteiros): Usados para gardar números enteiros, como 5, -3 ou 42. 

Exemplo: idade = 16 # Variable que garda un número enteiro

• float (decimais): Utilizados para números con decimais, como 3.14 ou -0.01. 

Exemplo: nota = 9.5 # Nota dun exame

• str (cadeas de texto): Gardan texto como palabras, frases ou caracteres.

Exemplo: nome = "Eva" # Nome dunha persoa

• bool (booleanos): Representan estados lóxicos, é dicir, verdadeiro (True) ou falso (False). 

Exemplo: maior_de_idade = True # Indica se a persoa é maior de idade

• list (listas): Gardan múltiples elementos nunha soa variable, podendo ser de diferentes tipos. 

Exemplo: froitas = ["mazá", "pera", "plátano"] # Lista de froitas

• tuple (tuplas): Semellantes ás listas, pero son inmutables; os seus elementos non poden cambiar. 

Exemplo: coordenadas = (10.5, 20.3) # Coordenadas x e y

• dict (diccionarios): Almacenan pares de chave:valor, ideais para asociacións ou datos estruturados. 

Exemplo:estudante = {"nome": "Eva", "idade": 16} # Diccionario de datos dun estudante

• set (conxuntos): Coleccións de elementos únicos e sen orde específica. 

Exemplo: cores = {"vermello", "azul", "verde"} # Conxunto de cores

As variables son unha base fundamental en calquera linguaxe de programación. Familiarizarse cos distintos tipos axudará a comprender e resolver problemas máis complexos no futuro.