Como xa sabes un algoritmo describe unha secuencia de pasos para realizar unha tarefa.

O Diagrama de Fluxo é a súa representación esquemática. Os diagramas de fluxo representan a secuencia lóxica ou os pasos que temos que dar para realizar unha tarefa mediante uns símbolos e dentro deles descríbense os pasos que ten que realizar.

Polo tanto son unha excelente ferramenta para comprender o proceso a seguir, así como para identificar posibles erros antes do desenvolvemento final da tarefa.

Úsanse para: antes de facer un programa informático, analizar o que ten que facer un robot, nos procesos industriais, etc.

Un diagrama de fluxo é útil en todo aquilo que se necesite unha previa organización antes do seu desenvolvemento.

Na realización dun programa informático é imprescindible primeiro realizar o diagrama de fluxo, independentemente da linguaxe de programación que usemos despois. Unha vez que temos o noso diagrama de fluxo só teremos que coñecer as ordes da linguaxe que realizan esas tarefas.