Cando usalas

Unha lista(list) é unha colección ordenada e mutable (os seus elementos pódense modificar).

Estrutura e uso:

Código Python: Exemplo de uso das listas

# Crear unha lista
frutas = ["mazá", 0.25, True]  # Lista con tres elementos
print(frutas[0])  # Mostrar o primeiro elemento: "mazá"

Características:

Os elementos están ordenados (pódese acceder a eles usando o seu índice).
Permiten duplicados (pódense repetir elementos)
Pódense engadir, modificar ou eliminar elementos.
Pódense almacenar diferentes tipos de datos dentro dunha soa lista.

Proba a: Facer a lista da compra

Crea un programa que permita engadir elementos a unha lista da compra e logo amose a lista completa.

Retroalimentación

Código Python: Lista da compra

# Programa para crear unha lista da compra
lista_compra = []  # Lista baleira
print("Introduce os elementos para a lista da compra. Escribe 'rematar' para finalizar.")

while True:
    item = input("Elemento: ")  # Pedir elemento
    if item.lower() == "rematar":  # Saír se o usuario escribe 'rematar'
        break
    lista_compra.append(item)  # Engadir o elemento á lista

print("Lista da compra:", lista_compra)  # Mostrar a lista completa

Que é item.lower()?

item.lower() é un método que se aplica a cadeas de texto (tipo str) en Python. Converte todos os caracteres da cadea en letras minúsculas. Isto é útil para comparar textos de maneira independente de se están en maiúsculas ou minúsculas.

Por exemplo:

texto = "REMATAR"
print(texto.lower()) # Saída: "rematar"

No programa, utilízase item.lower() para asegurar que, independentemente de como a persona escriba "REMATAR" (en maiúsculas, minúsculas ou combinadas), o programa recoñeza esta palabra como unha instrución para finalizar o bucle.

Que é lista_compra.append(item)?

lista_compra.append(item) é un método que se utiliza para engadir un elemento ao final dunha lista en Python. Co método append() podemos engadir novos elementos de forma dinámica.