Glosario

Apto

Definición:

Que serve ou que está preparado para algo.

Exemplo:

A película é apta para todos os públicos.

A rapaza é apta para realizar a proba.

Construímos un carrusel musical

Unha das atraccións que nunca pode faltar nun parque de atraccións é un carrusel. Apto para todos os públicos, o carrusel é unha gran máquina composta con forma circular con asentos, que xira ao redor dun eixe. A súa velocidade é baixa para non provocar mareos.

Ides construír o voso carrusel musical para Troula Park! Neste caso, o mecanismo que produce o movemento estará formado por un motor, un eixe e unha engrenaxe formada por dúas rodas dentadas,

Ilustración que representa o mecanismo da atracción Ilustración que mostra a Micro:Bit conectada

A roda dentada pequena provoca unha redución da velocidade da roda dentada grande, para que o carrusel xire lentamente, e así os visitantes poderán desfrutar sen marearse.

Materiais

Para deseñar un carrusel para o voso parque de atraccións, podedes utilizar moitos obxectos de refugallo que atopedes polas vosas casas ou polo colexio. Neste proposta, utilízanse os seguintes materiais:

Nezha con Microbit.
Cartón pluma.
Cartolinas de cores.
Palliñas de cores.
Pistola de silicona.
Compás e tesoiras.
Lapis.

Pasos que debemos seguir

No seguinte vídeo explicativo móstranse os diferentes pasos de montaxe utilizando Nezha, Microbit e outros materiais.

Hora de programar...

Para rematar, deberedes conectar a Microbit e introducir o código de programación en MakeCode. Aquí tedes un exemplo de programación, pero podedes experimentar pola vosa conta.

Posta a punto

O carrusel musical de Troula Park está rematado!

Chegou o momento de probar a vosa atracción.

Poderiades facer que xire un tempo nun sentido e logo cambie de sentido?
A que velocidade vos gusta que xire?
Que música é máis axeitada para o noso carrusel?

Para rematar, usade esta lista de control en formato PDF (abre unha xanela nova) e comprobade que a vosa atracción está totalmente rematada. (Formato editable)

Lectura facilitada

Un carrusel musical é unha atracción típica dos parques de atraccións.

Serve para todos os públicos.

É unha máquina composta de forma circular, con asentos e xira arredor dun eixe.

O mecanismo estará formado por:

— Motor

— Un eixe

— Unha engrenaxe con dúas rodas dentadas

Xira a pouca velocidade para evitar os mareos

Construímos un carrusel para Troula Park

Materiais:

Nezha con Microbit.
Cartón pluma.
Cartolinas de cores.
Palliñas de cores.
Pistola de silicona.
Compás e tesoiras.
Lapis.

Os pasos para a construción podedes velos no vídeo explicativo.

A continuación, introduciredes a programación en MakeCode.

Por último, probade a atracción e experimentade con diferentes programacións e con música incluída.