Definición:
É unha forma poder resolver problemas, pero empregando a nosa creatividade, e os nosos coñecementos das matemáticas e das ciencias.
Exemplo:
A construción da ponte é unha obra de enxeñaría.
Definición:
É unha actividade que realizan as persoas adultas despois de formárense durante un tempo. Por realizar dito traballo, recíbese unha paga.
Exemplo:
A profesión de María é mestra.
Vivimos rodeados de avances científicos que nos facilitan o día a día. Dende o ascensor, que nos permite subir a un piso sen esforzo, ata un ordenador, que permite ás médicas e aos médicos facer operacións máis doadas e seguras. Ambos son inventos humanos que permiten mellorar a nosa vida e avanzar como sociedade.
A nosa historia está chea de grandes descubrimentos e de grandes inventoras e inventores.
A ciencia, a tecnoloxía, a enxeñería e as matemáticas están presentes en moitas profesións. Son as chamadas profesións STEM. Por exemplo, farmacéuticas/os, biólogas/os, informáticas/os, arquitectas/os ou astronautas precisan saber moito destas materias para poderen solucionar problemas e mellorar a calidade de vida.
A través dos avances científicos e dos novos inventos é posible reducir a contaminación, potenciar o uso de enerxías renovables e levar a cabo unha agricultura sostible.
Os avances científicos axúdannos a diario
e permiten que as nosas vidas melloren.
A nosa historia está chea de moitos descubrimentos
e tamén de inventoras e inventores.
A ciencia, a tecnoloxía, a enxeñería e as matemáticas
están presentas en moitas profesións,
que chaman STEM (informáticas/os, biólogas/os, astronautas, e máis).
Grazas aos avances científicos e aos inventos é posible:
— Reducir a contaminación.
— Empregar máis enerxías renovables.
— Levar a cabo a agricultura sostible.
Moitas persoas contribuíron á ciencia ao longo da historia e durante moitos anos non se recoñeceu o traballo realizado polas científicas. Por iso, dende o ano 2015, a Asemblea Xeral das Nación Unidas declarou o 11 de febreiro para conmemorar o Día Internacional das Mulleres e as Nenas na Ciencia. Non só para poñer en valor e recoñecemento a moitas mulleres científicas do pasado, senón para promover o acceso das mulleres e as nenas á educación e á investigación na ciencia, tecnoloxía, enxeñaría e matemáticas.
Unha científica de actualidade é Sara García Alonso.
_(cropped).jpg "Sara García Alonso")
Sara, naceu no 1989 en León (España). Estudou Biotecnoloxía e agora traballa na investigación sobre o tratamento para o cancro de pulmón e páncreas. Tamén é a primeira muller española que superou as probas para ser astronauta. Sara García realiza conferencias e visitas a moitos centros educativos para compartir a súa paixón pola ciencia. Ademais da súa vocación pola investigación, desfruta moito coa música rock e o deporte. É unha gran comunicadora que trata de achegar as profesións STEM ao alumnado das escolas, xa que só a través da investigación poderemos axudar a descubrir novos tratamentos para as enfermidades e desenvolver hábitos de vida sustentable.
A continuación, podes ler sobre outras mulleres que realizaron descubrimentos e foron grandes científicas.
Foi unha das máis notables científicas españolas, doutora en Bioloxía. Unha das súas principais contribucións á ciencia foi o descubrimento do ADN polimerase.
É considerada como a primeira programadora de ordenadores da historia e a persoa que iniciou o sistema informático que coñecemos na actualidade.
Foi unha das científicas pioneiras no estudo da radiación. As súas investigacións neste campo leváronlle a descubrir dous elementos: o radio e o polonio.
Foi unha física sueca de orixe austríaco que, xunto co seu compañeiro de investigación Otto Hahn, traballou no estudo de elementos radioactivos.
Caroline convertiuse nunha brillante astrónoma que descubriu novas nebulosas e cúmulos de estrelas. Caroline foi a primeira muller en achar un cometa.
Rosalind Franklin sabía dende moi nova que quería ser científica. Aínda que, ao principio, o seu pai rexeitou a idea, finalmente Rosalind doutorouse en Química. Logrou facer unha fotografía que amosaba a dobre hélice do ADN.
Moitas persoas ao longo da historia axudaron ao avance na ciencia.
O traballo das mulleres non foi recoñecido de maneira axeitada.
A Asemblea Xeral das Nacións Unidas declarou o día 11 de febreiro de 2015
como Día Internacional das Mulleres e as Nenas na Ciencia.
Esta declaración foi feita para:
— Recoñecer e valorar o traballo das mulleres do pasado.
— Para que as mulleres da vida actual teñan acceso á educación
e á investigación na ciencia, tecnoloxía, enxeñería e matemáticas.
Unha das científicas actuais máis coñecidas é Sara García Alonso:
Outras mulleres importantes:
— Margarita Salas (1938 – 2019): científica española que descubriu o ADN polimerase.
— Ada Lovelace (1815 – 1852): primeira programadora de ordenadores que iniciou o sistema informático actual.
— Marie Curie (1867 – 1934): descubriu o radio e o polonio (estudo da radiación).
— Lise Meitner (1878 – 1968): estudou elementos radioactivos.
— Caroline Herschel (1750 – 1848): primeira muller que descubriu un cometa.
— Rosalind Franklin (1920 – 1958): fixo unha fotografía que amosaba a dobre hélice do ADN.
Seguro que moitas veces te aconsellaron que non subas no canto dun banco porque pode inclinarse e polo tanto, ti podes mancarte. Cando comprobas que, efectivamente, o banco se inclinou e ti caíches, acabas de pór en práctica o método científico. É dicir, a través da experimentación fuches capaz de comprobar unha hipótese e establecer unhas conclusións. Así que todas e todos temos dentro de nós unha científica ou científico agochado capaz de crear e inventar.
O Método científico componse dunha serie de fases de investigación, que son:
1º Observación: a través da observación, de prestar atención ao noso redor podes descubrir un problema que resolver.
2º Formulación de preguntas: preguntarnos que, como, cando, por que sobre unha situación fará que se active o noso pensamento para intentar atopar resposta.
3º Hipótese: é un razoamento formado sobre indicios, é dicir, sobre aquilo que cremos que pode pasar.
4º Experimentación: comprobar se a nosa hipótese se cumpre ou non.
5º Análise de datos: recoller os datos, analizalos e sacar unha conclusión.
Moitas veces te aconsellaron que non subas no canto dun banco.
Podería inclinarse e mancaríaste.
Estamos a realizar o método científico.
A través da experimentación comprobamos unha hipótese e chegamos a conclusións.
Fases do método científico:
Licenciado baixo a Licenza Creative Commons Atribución Non-comercial Compartir igual 4.0