Fai memoria

Xa estamos a rematar este proxecto no que experimentamos coas máquinas, construímos atraccións dun parque de aventuras, aprendemos sobre as novas tecnoloxías, as profesións STEM, traballaches en grupo e realizaches a exposición dunha maqueta ante un público. Todo isto, acompañado do teu diario de aprendizaxe, onde escribir esas reflexións e ideas a medida que ían avanzando as sesións.

Aquí tes un esquema dos contidos que aprendiches con este proxecto. Le atentamente o esquema e comparte as impresións cos teus compañeiros e compañeiras. Podes descargalo en PDF (nova xanela).

Lectura facilitada

Resumo do que aprendestes ao longo deste proxecto.

Le o esquema e comenta coas túas compañeiras e compañeiros.

Precisas axuda para entender o esquema?

Novas tecnoloxías:

As máquinas
1. Máquinas simples: pancas, poleas e plano inclinado.
2. Máquinas compostas.
STEM
1. As profesións STEM.
2. A muller na ciencia.
3. O método científico.
Avances na ciencia
1. Avances tecnolóxicos.
2. Avances en diferentes áreas.
Seguridade dixital
1. Normas netiqueta
2. Ameazas dixitais
3. Navegación segura

Lectura facilitada

Novas tecnoloxías:

As máquinas
1. Máquinas simples.
2. Máquinas compostas.
STEM
1. Profesións STEM.
2. A muller na ciencia.
3. Método científico.
Avances na ciencia:
1. Tecnolóxicos.
2. En diferentes áreas.
Seguridade dixital
1. Normas netiqueta
2. Ameazas dixitais
3. Navegación segura

Debate en grupo

En gran grupo faremos unha posta en común, onde poderedes expresar as vosas reflexións, ideas e propostas sobre o proxecto. Lembra que debemos expresar as opinións con respecto e razoadamente, falando de xeito ordenado para poder aprender uns de outros. Nesta infografía podes ver un resumo do reto que realizaches e pensar en cada unha das fases.

Precisas axuda para entender a infografía?

1. Unha viaxe sorpresa.

Presentación do reto. Uxía e os seus compañeiros/as van de excursión a un parque de atraccións. Teredes que recadar información sobre o funcionamento das máquinas e deseñar unha maqueta para expoñela.

2. Maquinaria a punto.

Formade equipos e facede memoria do que sabemos sobre as máquinas simples e compostas, profesións STEM, mulleres científicas e a seguridade no uso de Internet.

3. Un lugar para soñar.

Aprendemos sobre as máquinas e os avances tecnolóxicos; experimentamos con pancas, poleas e planos inclinados e construímos as diferentes atraccións do noso parque de aventuras

4. Apertura de Troula Park.

Cada grupo expón ante o resto a atracción deseñada para posibles melloras e aprender en conxunto. Logo, realizaredes a maqueta en común e prepararedes a presentación para as familias e alumnado doutros cursos.

5. Conclusións.

Reflexionade sobre todo o aprendido ao longo do reto, o traballo individual e grupal, as cousas que mellor saíron e as dificultades atopadas.

Lectura facilitada

1. Unha viaxe sorpresa.

Presentación do reto: teredes que recadar información sobre as máquinas e deseñar unha maqueta para expoñela.

2. Maquinaria a punto.

Formaredes equipos e facede memoria do que sabedes sobre as máquinas, as profesións STEM, as mulleres científicas e a seguridade en Internet.

3. Un lugar para soñar.

Aprenderedes sobre as máquinas e avances tecnolóxicos.

Experimentaredes con pancas, plano inclinado e poleas.

Construiredes diferentes atraccións para o voso parque.

4. Apertura de Troula Park.

Cada grupo expoñerá a súa maqueta.

Falaredes de posibles melloras.

Logo realizaredes a maqueta conxunta.

Finalmente, prepararedes a exposición para o resto do alumnado e familias.

5. Conclusións.

Reflexionaredes sobre o aprendido, o que se podería mellorar e as dificultades atopadas.