En Troula Park, non pode faltar unha atracción que impoña un pouco de medo. Na maioría de parques temáticos hai unha zona que provoca emocións fortes de medo, sustos... Como por exemplo, as casas do terror.

Para deseñar esta atracción en Troula Park, invocaredes a aparición dunha meiga, que leva anos durmida, pero que pode espertar en calquera momento.

Unha meiga é unha palabra que se emprega, sobre todo en Galicia e Asturias, para referirse a un tipo de persoa que posúe poderes extraordinarios ou máxicos.

Tamén se definen como mulleres que son capaces de facer feitizos, botar o mal de ollo, están especialmente dotadas para a adiviñación e poden, ademais, provocar outros males.

Hai una expresión típica, moi coñecida, referida ás meigas:

"Eu non creo nas meigas, mais habelas hainas"

Neste caso, o mecanismo que produce o movemento estará formado por un servo, un eixe e unha peza amarela que irá pegada á meiga. Se o sensor de ultrasóns detecta movemento de visitantes pola zona, a meiga pode espertar e dar un gran susto.

                                                                  

                                                                                                     

Para rematar, usade esta lista de control en formato PDF (abre en unha xanela nova) e comprobade que a vosa atracción está totalmente rematada. (Formato editable)