Cos equipos xa formados anteriormente, toca poñer a mente a traballar. Canto sabemos sobre as máquinas? Que tipos de máquinas coñecemos? Que máquinas utilizamos todos os días?...

Teredes que cubrir a primeira parte desta táboa (abre unha xanela nova) ou se preferides descargar a versión editable, con cinco oracións sobre as máquinas, durante un tempo aproximado de dez minutos. 

 A continuación, comezará a quenda de roubar ideas. Durante este tempo, unha persoa de cada grupo poderá levantarse para espiar as oracións que escribiron os outros equipos. O proceso repetirase tres veces, de tal xeito que tres participantes serán os encargados de roubar ideas e un/ha estudante será a/o encargado de escribir as oracións na parte inferior da táboa.

Para rematar, faremos unha posta en común coas ideas de todos os grupos.