Para o bo funcionamento dunha máquina precísase que todas as pezas traballen correctamente. Do mesmo xeito, para que o noso parque de atraccións funcione adecuadamente, cómpre que todas e todos coñezades cada unha das atraccións que forman Troula Park.

Por iso, primeiramente cada grupo deberá presentar e explicar aos demais grupos da aula a atracción que lle tocou elaborar antes de crear a maqueta final. É o momento no que recibir suxestións e preguntas das nosas compañeiras e compañeiros e chegar a acordos.

Debes cubrir o documento para valorar as diferentes atraccións:

• Valoro as atraccións, en formato PDF (nova xanela).
• Valoro as atraccións, versión editable.

A continuación, elaboramos a maqueta final de Troula Park e preparamos a exposición.

Podedes seguir esta guía para preparar a exposición:

• Explicación do reto, máquinas que o integran e o seu funcionamento. 
• Recollida de datos máis relevantes sobre a evolución das máquinas e as profesións STEM.
• A importancia da seguridade na rede como fonte de información.
• Explicación dos pasos no proceso de creación. 
• Ao longo deste reto tivestes que investigar, aprender, experimentar, analizar e crear. Como resolvestes os problemas que xurdiron?

Deberedes controlar o tempo de exposición, de tal xeito que cada membro do grupo interveña o mesmo tempo. 

Ao finalizar a vosa exposición oral é o momento de contestar ás preguntas do público.