Saltar navegación

Pura adrenalina

 

Glosario

Adrenalina

Ilustración que representa unha montaña rusa

Definición:

        É unha hormona que se libera en situacións de tensión ou perigo.

Exemplo:

Subiu a unha montaña rusa e tivo unha boa descarga de adrenalina.

Construímos unha montaña rusa

Unha montaña rusa é unha atracción dos parques de diversións que consiste nunha vía elevada con curvas, pendentes pronunciadas e xiros intensos.

Estas atraccións están deseñadas para proporcionar unha experiencia emocionante e chea de adrenalina, onde os vagóns se desprazan a gran velocidade.

Fotografía dunha montaña rusa

Ides construír a nosa propia montaña rusa para Troula Park! Unha montaña rusa é unha gran máquina composta. Neste caso, o mecanismo que produce o movemento estará formado por un motor, un eixe, dúas poleas e unha corda. 

Para este proxecto utilizaredes unha das ramplas de proxectos anteriores, que están deseñadas cun plano inclinado, que é unha máquina simple.

                                                                                              imaxe que mostra o mecanismo que fai xirar a montaña rusaimaxe que mostra o vagón da montaña rusa

                                                                                                   

Materiais

Para deseñar unha montaña rusa para o noso parque de atraccións, podedes utilizar moitos obxectos de refugallo que atopedes polas vosas casas ou polo colexio. Nesta proposta, utilízanse os seguintes materiais:

  • Nezha con Microbit.
  • Cartón pluma.
  • Dúas bobinas de fío que farán de poleas.
  • 1 pau longo.
  • Vías de tren dos xoguetes tradicionais e vagón adaptado a esas vías con imán.
  • Cordón fino.
  • Pistola de silicona.
  • Obxecto de metal, como un parafuso, por exemplo.
  • Rampla creada en proxectos anteriores.

Pasos que debemos seguir

No seguinte vídeo explicativo móstranse os diferentes pasos de montaxe utilizando Nezha, Microbit e outros materiais.

                                                                                            

Hora de programar...

Para rematar, deberedes conectar a Microbit e introducir o código de programación en MakeCode. Aquí tedes un exemplo de programación, pero podedes experimentar pola vosa conta.

imaxe que mostra a programación do proxecto

Posta a punto

A montaña rusa de Troula Park está rematada! 

Chegou o momento de probar a vosa atracción. 

  1. Poderiades facer que chegue xusto á máxima altura?
  2. A que velocidade vos gusta que se desprace o vagón? 

Para rematar, usade esta lista de control en formato PDF (abre en unha xanela nova) (abre en unha xanela nova) e comprobade que a vosa atracción está totalmente rematada. (Formato editable)

Lectura facilitada

A montaña rusa é unha das atraccións máis divertidas dos parques de atraccións.

Consiste nunha vía elevada con curvas, pendentes pronunciadas e xiros bruscos.

Estas atraccións son para proporcionarvos unha experiencia emocionante.

Ides construír unha montaña rusa para o noso parque.

O mecanismo desta atracción estará formado por:

— Un motor

— Un eixe

— Dúas poleas

— Unha corda

Materiais:

  • Nezha con Microbit.
  • Cartón pluma.
  • Dúas bobinas de fío que farán de poleas.
  • 1 pau longo.
  • Vías de tren dos xoguetes tradicionais e vagón adaptado a esas vías con imán.
  • Cordón fino.
  • Pistola de silicona.
  • Obxecto de metal (parafuso).
  • Rampla creada en proxectos anteriores.

Os pasos para a construción podedes velos no vídeo explicativo.

A continuación, introduciredes a programación en MakeCode.

Por último, probade a atracción.

Feito con eXeLearning (Nova xanela)