Agora que xa aprendemos a usar algunhas das máquinas simples máis importantes, é o momento de traballar en grupo para crear o noso parque de atraccións: Troula Park. Unha maqueta é unha creación a tamaño reducido dunha construción. Neste caso, a vosa maqueta amosará diferentes atraccións realizadas con máquinas simples ou compostas.
Descrición
Cada grupo elaboraredes unha atracción do parque:
- Tour de emocións, onde daremos un paseo nun vehículo para coñecer o parque.
- Pura adrenalina, unha especie de montaña rusa sinxela.
- A meiga durmida, para levar un bo susto.
- Paseo nas alturas, neste caso unha fermosa nora.
- A canastra automática, o clásico xogo de encestar que podemos atopar en parques e festas.
- Un carrusel musical, non poden faltar os cabaliños.
Cada grupo decidiredes os elementos decorativos da maqueta.
Preparación
-
- Grupos formados previamente por catro nenas/os, segundo as tarxetas que vos tocaron ao comezo do proxecto.
- Cada grupo elabora a súa atracción. Logo xuntaremos todo nunha gran maqueta.
- Lembrade que, antes de recortar e pegar, primeiro deberedes pensar, buscar ideas, organizar e deseñar.
- Traballade en grupo, polo que non debedes esquecer que a opinión de cada membro é moi importante, debendo respectar as diferentes ideas e chegar a acordos.
- Para rematar, decoraredes a gran maqueta entre todos e todas.
Exposición
Unha vez rematadas as maquetas é o momento de amosar ao resto da escola e ás familias o noso gran traballo e o moito que aprendestes sobre as máquinas.
Lectura facilitada
Xa aprendestes moitas cousas sobre as máquinas simples máis importantes.
Agora, traballade en grupo para realizar o noso parque: Troula Park.
Construíde unha maqueta en tamaño reducido.
Descrición:
- Cada grupo elabora unha atracción:
— Tour
— Montaña rusa
— Nora
— A canastra
— Carrusel musical
— A meiga durmida
Preparación:
- Formade grupos de catro persoas.
- Cada grupo elabora a súa atracción.
- Respectade as ideas de todo o grupo.
- Decorade a maqueta.
Exposición:
- Xa rematado a traballo, expoñelo ao resto do alumnado e familias.