Agora que xa temos o reto escollido, comezamos por poñerlle un título rechamante. 

Nesta primeira fase temos que indicar o máis importante e o que se vai ver a primeira vista. O título, que se pode modificar logo, pódese empezar a crear seguindo este titorial:

Escolle un título que axude rapidamente a recoñecer o tipo de guía. Sabemos que polo xeral o deseño dos prospectos non é o máis lucido do mundo, pero como non somos farmacéuticos podemos darnos esa licenza creativa. Podemos tamén engadir unha foto relacionada co tema se o desexamos. 

Inserimos primeiro o título, logo a foto e deseñamos o seu lugar. O título pódese realizar no LibreOffice Draw empregando as letras tipo "banner" chamadas "Fontwork" no despregable de inserir.

A continuación, veredes unha mostra de onde o podes engadir en función do formato que decidades escoller

1. Como poñemos o título?

Se decidides realizar o prospecto co voso portátil teredes que comezar a deseñalo en LibreOffice Draw. Poderemos incluír un título cun formato predefinido do Draw. 

Para iso:

5. Se fas clic de novo no texto aparecerán uns cadros ao arredor.

Selecciona, por exemplo, un dos cadros das esquinas para poder cambiarlle o tamaño ao teu gusto.

2. Onde o colocamos?

Só resta colocar o título no lugar que prefirades do documento. 

3. E se o facemos en papel, cartolina... Como poño o título?

Se decidides realizar o prospecto nun formato físico, nunha cartolina ou papel, seguiredes o mesmo esquema proposto. Escolleredes cores ou rotuladores do voso agrado.

Aquí imos comezar o noso prospecto. Recorda que todos comparten unha introdución onde nos indica que se trata no documento e un breve índice. Ides contar en concreto de que irá o voso tema e as partes que o compoñen. 

A información para a persoa usuaria

Aquí indicaredes unha serie de instrucións que toda persoa usuaria do equipamento Edixgal e, polo tanto, lectora deste prospecto terá que seguir: 

Contido do prospecto

A continuación poñedes o índice coas partes do voso prospecto: 

 

Xa levamos unhas semanas empregando o equipamento. Pode ser necesario deixar indicado para futuras novas persoas usuarias, que son os equipamentos. Fai unha breve descrición do portátil, o seu uso e as súas funcións. 

Antes de empregalo fai referencia as cousas que os vosos compañeiros e as vosas compañeiras da clase deben ter en conta antes de seguir avanzando no prospecto. 

Este é o apartado máis importante, pois será aquí onde lle contedes á clase toda a información que atopastes anteriormente no apartado 4.2. No exemplo recóllense as normas de uso do equipamento.

Recordade que a información debe estar ben ordenada, ben explicada e se hai unha palabra rara explicade o seu significado.

Que pasaría ser non coidades o ordenador? Ou se ides sen coidado navegando pola Rede? 

Todo uso dos recursos TIC teñen unhas consecuencias negativas se non se usan debidamente, incluso a nivel físico (se non se usa como se debe unha estación de carga pode dar descargas).

Aquí incluiredes todas as consecuencias que poden ter a mala utilización de aquel tema que estades a tratar.

Para manter o formato prospecto, no último apartado indicaredes os mellores consellos para manter operativo e en bo estado os vosos equipamentos. 

Chegastes ao final do prospecto, pero antes de rematalo ides indicar quen participou na elaboración do traballo: 

Por último, non esquezades darlle unha boa revisión ao voso documento con moita atención para comprobar que está todo correcto. E con isto xa teremos o noso reto completo, parabéns!