Glosario
Diversidade
-
Definición:
-
Son as diferenzas que podemos atopar dentro dun grupo, ou dito doutra forma, a calidade de posuír variedade.
-
Exemplo:
-
Na nosa escola hai unha gran diversidade de persoas e fálanse unha gran diversidade de linguas.
Diversidade Lingüística
-
Definición:
-
Proporción de linguas distintas que se falan nun mesmo territorio ou área xeográfica.
-
Exemplo:
-
Europa é un continente cunha gran diversidade lingüística.
Emoticonas
-
Definición:
-
Pequenas imaxes ou iconas dixitais que se usan en comunicacións dixitais. Representan unha emoción, un obxecto, unha idea...
-
Exemplo:
-
Uxía sempre usa moitas emoticonas cando fala por mensaxería EDIXGAL.
Gramática
-
Definición:
-
É o conxunto de normas que temos que seguir para escribir e falar correctamente unha lingua.
-
Exemplo:
-
A gramática da Lingua Galega é moi bonita.
Imperativo
-
Definición:
-
Tempo verbal que se utiliza para indicar, sobre todo, orde, mandato ou súplica.
-
Exemplo:
-
Na frase "fai os deberes", "fai" está en imperativo.
Instrución
-
Definición:
-
Son as indicacións que podemos dar ou recibir para o manexo de algo.
-
Exemplo:
-
Se queremos que o moble quede ben montado máis nos vale seguir as instrucións da caixa.
Lingua
-
Definición:
-
Ten máis dun significado, pero para o tema que estamos a tratar é o código verbal usado polas persoas dunha sociedade. Ademais, conta cunha serie de elementos e regras que a organizan.
-
Exemplo:
-
No mundo fálanse máis de 7000 linguas.
