1. Que son as regras de ortografía. 

As regras de ortografía son aquelas normas que regulan a nosa escritura; estas normas permítennos escribir correctamente. Indícannos cando temos que poñer un punto, unha coma ou cando temos que empregar as maiúsculas e minúsculas. A continuación, veremos unha parte importante delas: a acentuación.

2. Que precisa saber antes de comezar a empregar a acentuación.

Como xa vimos no anterior apartado, para realizar unha correcta acentuación deberemos ter en conta onde se atopa a sílaba tónica da palabra que imos acentuar. Recordade, sílaba tónica no último lugar: palabra aguda; sílaba tónica no penúltimo lugar: palabra grave; e sílaba tónica no antepenúltimo lugar: palabra esdrúxula.

3. Como empregar a acentuación.

Método de uso das regras de acentuación.

Agudas. Son aquelas palabras que a súa sílaba tónica atópase na última posición (camión). Estas palabras levan acento sempre e cando: 

-       Rematen en vogal: mazá, café, ventá.

-       Rematen en -n: camión, común, pantalón.                                      

-       Rematen en -ns: almacéns, irmáns, corazóns.

-       E non rematen en ditongo decrecente: españois, capitais, ademais. 

Graves. Son aquelas palabras que a súa sílaba tónica atópase na penúltima posición (lapis). Estas palabras levan acento sempre e cando:

-       Non rematen en vogal, -n, -s ou -ns: réptil, difícil, móbil, bíceps.

Esdrúxulas. Son aquelas palabras que a súa sílaba tónica atópase na antepenúltima posición (sílaba).

-       Estas palabras sempre van levar acento gráfico: tónica, Xúpiter, último, máquina.

4. Posibles efectos beneficiosos.

A acentuación é unha das normas ortográficas máis importantes da escritura, os nosos textos poderían perder todo o seu sentido se non as seguimos.

Sabías que existen palabras que se escriben igual pero que non significan o mesmo por culpa do acento? Non é o mesmo un óso do corpo que o animal mamífero oso. Ou unha póla dunha árbore que a pola (galiña). 

Como acabamos de ver, sen ela non nos imos comunicar correctamente ou as nosas mensaxes pódense entender mal. Por exemplo, nesta mensaxe, ao non colocar o acento, da lugar a un malentendido: tropecei cunha pola e fíxenme dano na cabeza. 

5. Conservación das regras de acentuación. 

A continuación imos ver unha serie de consellos ou trucos que nos van axudar a conservar estas regras que acabamos de ver: 

-       Ter o saudable hábito da lectura.

-       Separar as palabras en sílabas.

-       Ler en voz alta facendo fincapé na sílaba tónica.

-       Clasificar a palabra en aguda, grave e esdrúxula.

-       As esdrúxulas sempre se acentúan.  

-       Recorda o aprendido anteriormente e coloca o acento gráfico se a palabra o precisa.