É un signo de ortografía que se coloca enriba dalgunhas vogais marcando o acento de intensidade. Algunhas veces tamén marca o timbre aberto ou pechado dalgunhas vogais.
Exemplo:
"Camión" leva acento porque é unha palabra aguda que remata en consoante "n".
Lingua de signos
Definición:
A lingua de signos é unha forma de comunicación que utiliza movementos e xestos coas mans para expresar ideas. É usada por persoas xordas ou con dificultades auditivas para comunicarse sen depender da linguaxe falada.
Exemplo:
O meu tío é xordo e de pequeno aprendeu a falar a lingua de signos.
Substantivo
Definición:
É un tipo de palabra que utilizamos para referirnos a seres vivos, cousas inanimadas (sen vida), ou incluso conceptos abstractos.
Exemplo:
Os nomes propios son substantivos e escríbense con maiúscula.
Sabemos dar instrucións?
Cando aprendemos algo novo é importante que pensemos en que sabemos sobre esa nova cuestión. Nesta unidade didáctica van aparecer moitas cousas novas e interesantes, pero vexamos que sabes xa sobre algunhas delas.
Serás capaz de organizar estas tarxetas dun xeito lóxico? Pensa nos pasos que terías que facer para espremer un saboroso zume de laranxa.
Se tiveches éxito, parabéns! Acabas de darte instrucións a ti mesma ou a ti mesmo. Estiveches pensando cales eran o pasos necesarios para elaborar o zume de laranxa e despois seguíchelos un a un para conseguir resolver a actividade sobre como espremer un zume de laranxa. Parabéns! Porque aínda que penses que non, sabes dar instrucións.
Lectura facilitada
Se acertaches, parabéns!
Acabas de darte instrucións
a ti mesma ou a ti mesmo.
Estiveches pensando cales eran o pasos
necesarios para elaborar o zume de laranxa.
Seguiches os pasos de elaboración un a un.
Conseguiches resolver a actividade.
Parabéns!
Sabes dar instrucións.
Escribimos correctamente?
Xa ves a importancia que ten dar instrucións, pero tamén é moi importante saber escribilas e tamén seguilas correctamente.
Para escribir ben é moi importante saber certas cousas dunha palabra terrible, a gramática. Pero nós ímola facer divertida.
Lectura facilitada
Saber dar instrucións é importante.
Tamén é moi importante saber escribir instrucións.
Tamén é moi importante seguir instrucións.
Para escribir ben imos estudar gramática.
Pero nós ímola facer divertida.
Analizamos un tipo de texto instrutivo: a receita
Que partes identificas neste tipo de documento instrutivo?
Botas en falta algún dato que para ti sexa importante?
Non esquezas que comer ben é moi importante. Estás certa ou certo de que levas unha dieta saudable? Xustifica a túa resposta.
Rápidas coma un raio
Que importante é ler ben e comprender ben para seguir instrucións. Imos ver se tes boa comprensión. Durante 60 segundos vas ver un texto para ler. Despois terás que gravar o teu resumo e descargar o ficheiro de son. Envíallo á mestra ou mestre como che indique.
Lectura facilitada
Que importante é ler ben e comprender ben.
Iso axuda a seguir instrucións.
Imos ver se tes boa comprensión.
Durante 60 segundos vas ver un texto para ler.
Despois terás que gravar o teu resumo.
Deberás descargar o ficheiro de son.
Envíallo á mestra ou mestre como che indique.
Lectura rápida
Lectura rápida
Vas ver un vídeo de 60 segundos cun pequeno texto. Le o texto con calma no tempo indicado porque despois deberás gravar un audio cun pequeno resumo sobre o que liches.
Grava o teu resumo
Agora segue as instrucións deste vídeo para gravar o teu resumo co portátil. Non esquezas facer entrega do ficheiro do xeito que che indique a mestra ou o mestre.
Como se avalía?
Aquí tes un exemplo de como podes avaliar a actividade.
Lectura facilitada
Lectura rápida
Vas ver un vídeo de 60 segundos cun pequeno texto.
Le o texto con calma no tempo indicado.
Grava un audio cun pequeno resumo sobre o que liches.
Grava o teu resumo
Agora segue as instrucións deste vídeo.
Para gravar o teu resumo co portátil.
Non esquezas facer entrega do arquivo.
A mestra ou o mestre dirache como entregalo.
Como se avalía?
Aquí tes un exemplo de
como podes avaliar a actividade.
Sabemos seguir instrucións?
Que gran cantidade de linguas se falan en Europa. Imaxinas todas as que se falarán no mundo? Pois son arredor dunhas 7100 linguas.
Imos poñer en práctica un pouco a nosa lingua, a nosa compresión e ver se lembramos como seguir instrucións correctamente:
Xa sabes que en Galicia se fala o galego e que temos tres bloques dialectais. Segue a receita que atoparás máis abaixo para elaborar o teu mapa dos bloques. Lembra que este mapa é só unha pequena aproximación, non é exacto. Se queres ver un mapa exacto podes atopalo nesta ligazón. A túa mestra ou o teu mestre darache unha copia do mapa para realizar.
Lectura facilitada
No mundo fálanse unhas sete mil duascentas linguas.
Imos poñer en práctica un pouco a nosa lingua.
Traballaremos a nosa compresión.
Imos ver se lembramos como seguir instrucións correctamente.
Xa sabes que en Galicia se fala o galego.
Sabes que temos tres bloques dialectais.
Elabora o teu mapa dos bloques dialectais.
A túa mestra ou o teu mestre darache unha copia do mapa para realizar.
Receita dos bloques dialectais
Materiais
Mapa de Galicia.
Lapis e goma.
Tres rotuladores de cores distintas.
Tres ceras de cores distintas.
Unha regra.
Instrucións
Coloca o mapa fronte a ti.
Localiza a desembocadura do Río Mandeo.
Localiza a vila de A Cañiza.
Une os dous puntos que localizaches antes no mapa.
Axúdate da regra.
Agora busca a desembocadura do Río Eo.
Busca tamén a vila de A Gudiña.
Une os dous últimos puntos que localizaches antes no mapa.
Axúdate da regra.
Pon o nome dos tres bloques dialectais
no bloque correspondente con rotulador.
Pinta cada bloque cunha cor distinta.
Fai a lenda do teu mapa na parte inferior esquerda.
Localiza a parte inferior esquerda da túa folla.
Debuxa un cadrado nesa zona.
Dentro dese cadrado debuxa tres cadrados distintos.
Un debaixo do outro.
Ao lado de cada cadrado escribe o nome dun dos bloques.
Pinta cada cadrado da cor que lle corresponda segundo o nome do bloque que lle puxeches.
Por exemplo, se pintaches o bloque occidental de azul pinta o cadrado dese nome de azul.
.jpg "¨Rúbrica lectura rápida")
