Cando collemos un avión, antes de arrincar sempre recibimos unhas indicacións para casos de emerxencia. É moi importante prestar atención a esas indicacións para saber que facer se, por exemplo, o avión cae a auga ou se perdemos a presión na cabina. Esa é unha das funcións dos textos instrutivos, darnos a información concreta e específica que precisamos. 

Ao longo deste apartado vas ver moitos tipos de textos instrutivos: manuais, mapas, prospectos... Fíxate ben na súa construción e nas súas partes. Tamén en como tratan a información e en que estilo e formato a presentan.

Ademais, tamén aprenderás aspectos gramaticais que son moi aburridos, pero moi importantes para aprender a escribir mellor e facernos entender correctamente.

A que queres que se che entenda ben cando escribes ou cando contas algo?

Imos aló!