Produto final
Chegados a este punto, tedes que dar a coñecer o produto realizado co voso equipo. A vosa presentación deberá:
Seguir estas normas:
- Duración: 5 minutos.
- Idioma da presentación: en galego.
- Gardar para o final un tempo de debate e preguntas do resto de persoas da aula (5 minutos).
Debemos dar resposta ás seguintes cuestións:
- Quen somos.
- Reto que imos explicar.
- Ensinar o texto instrutivo que fixemos.
- Comentar algún aspecto teórico sobre o texto instrutivo que escollemos.
- Comentar se cremos que o noso texto soluciona o problema.
- Explicar como e con que ferramentas e materiais o fixemos.
- Comentar algunhas, polo menos dúas, dificultades que nos atopamos e como as solucionamos.
- Indicar polo menos dúas cousas que aprendemos.
Estas son algunhas opcións para realizar a vosa presentación.
PRESENTACIÓN DIXITAL
A nosa recomendación é que realicedes unha presentación no LibreOffice Impress empregando tamén os documentos realizados en LibreOffice Draw. Pero se preferides facelo dalgunha outra forma, adiante! O único que debedes respectar son os contidos que se vos piden.
CARTEL EXPLICATIVO OU MURAL
Pódese empregar este formato elaborando un mural coas achegas impresas ou manuais e documentos cos que elaborastes o voso texto instrutivo.
MIXTO coa dixitalización dalgunha parte do voso documento instrutivo
Pódese empregar un mural que conteña un código QR que recoñeza unha aplicación para poder ver o traballo en dixital ou ben que leve a un vídeo, audio ou imaxes.
VÍDEO explicativo de todo o proceso
Aquí necesitaredes primeiro facer un guión por escrito de como o queredes contar. Podedes facer un "storyboard". Logo, xa se podería gravar e montar para proxectar.
É das opcións máis complicadas, pero podedes gravar cos vosos portátiles e montar na aplicación Kdenlive, que atoparedes en Aplicativos > Son e Vídeo > Kdenlive.
Lectura facilitada
Tedes que dar a coñecer o produto realizado co voso equipo.
A vosa presentación deberá:
Seguir estas normas:
- Duración, 5 minutos.
- Idioma da presentación: en galego.
- Gardar para o final un tempo de debate.
- Preguntas do resto de persoas da aula (5 minutos).
Debemos dar resposta ás seguintes cuestións
- Quen somos.
- Reto que imos explicar.
- Ensinar a texto instrutivo que fixemos.
- Comentar algún aspecto teórico sobre o texto instrutivo
- Comentar se cremos que o noso texto soluciona o problema.
- Explicar como e con que ferramentas e materiais o fixemos.
- Comentar dúas dificultades que nos atopamos
- Dicir como solucionamos as dúas dificultades.
- Indicar dúas cousas que aprendemos.
Estas son algunhas opcións para realizar a vosa presentación.
PRESENTACIÓN DIXITAL
A nosa recomendación é que realicedes unha presentación no LibreOffice Impress.
Empregade tamén os documentos realizados en LibreOffice Draw.
Pero se preferides facelo dalgunha outra forma, adiante!
O único que debedes respectar son os contidos que se vos piden.
CARTEL EXPLICATIVO OU MURAL
Pódese empregar este formato elaborando un mural.
Usade os materiais impresos ocos que elaborastes no voso texto instrutivo.
MIXTO coa dixitalización dalgunha parte do voso documento instrutivo
Pódese facer o mural.
Engadir un código QR que leve ao traballo en dixital.
Ou que leve a materiais do proxecto.
Podedes usar vídeo, audio ou imaxes.
VÍDEO explicativo de todo o proceso
Aquí necesitaredes primeiro facer un guión por escrito.
Pensade como o queredes contar.
Facede un "storyboard".
Logo, xa podedes gravar e montar para proxectar.
É das opcións máis complicadas.
Podedes gravar cos vosos portátiles.
Para montar usade a aplicación Kdenlive, que atoparedes
en Aplicativos > Son e Vídeo > Kdenlive.