Saltar navegación

1.2. Sabemos que facer!

O reto

Xa vimos que hai moitas cousas que mudar na escola ou incluso na nosa aula.

É preciso mellorar algúns deses aspectos que non funcionan correctamente. Cando sabemos como funcionan as cousas as persoas sentímonos máis seguras. Imos axudar a toda a comunidade educativa detectando cousas que non funcionan como deberían e propoñendo solucións ben organizadas. 

Lembra que os textos, para que cumpran a súa función, teñen que estar ben escritos e ser fáciles de entender. Ser organizadas no proceso vainos axudar a conseguilo. Anímaste? 

Lectura facilitada

Hai moitas cousas que mudar na escola e na aula.

É preciso mellorar algúns deses aspectos.

Cando sabemos como funcionan as cousas sentímonos máis seguras.

Imos axudar a toda a comunidade educativa.

Imos detectar cousas que non funcionan como deberían.

Propoñeremos solucións organizadas. 

Os textos teñen que estar ben escritos e ser fáciles de entender.

Ser organizadas no proceso vainos axudar a conseguilo.

Anímate.

Arrancamos

Debedes elaborar un texto instrutivo que mellore algún aspecto da aula ou do noso centro. Debe ter unha gramática e linguaxe axeitada para as persoas ás que vai dirixida. Tendo iso en conta, lembrade facelo accesible para todas as persoas da nosa Comunidade Educativa. Os vosos textos deben dar solución a algunha das seguintes propostas:

Pictograma que representa un gran desorde

Reto 1

Deseña e elabora a receita de normas de convivencia da nosa aula. Investiga sobre que falla na convivencia da clase, propón solucións e elabora o teu documento para chegar a ser unha mestra ou mestre da educación e da cortesía.

Reto 2

Deseña e elabora un prospecto de boas prácticas para os equipamentos EDIXGAL. Investiga sobre o que se debe e o que non se debe facer cos equipamentos informáticos que se vos facilitaron. Recompila toda a información e elabora o prospecto para ter unha boa saúde dixital.

Reto 3

Deseña e elabora a guía turística para o día de portas abertas. Búscase que cando chegue algunha persoa de fóra ou nova ao centro escolar saiba perfectamente onde están todas as cousas e que se fai en cada sitio. Investiga e elabora o teu documento para orientar a todas as persoas que visiten o centro. 

Reto Extra

Se sodes persoas valentes e identificades calquera outra cuestión digna de ser mellorada na nosa aula ou no centro, adiante! Teredes que facer un manual que dea solución a esa cuestión tan importante.

Lectura facilitada

Imos elaborar un texto instrutivo.

Ten que mellorar algún aspecto da aula ou do noso centro.

Os vosos textos deben dar solución

Estas son as propostas:

Reto 1

Deseña e elabora a receita de normas

de convivencia da nosa aula. 

Reto 2

Deseña e elabora un prospecto

de boas prácticas para os equipamentos EDIXGAL.

Reto 3

Deseña e elabora a guía turística

para o día de portas abertas ou

para algunha persoa que chegue nova ao centro.

Reto Extra

Se identificades calquera outra cuestión a mellorar, 

adiante! Pero deberedes facer un manual.

E como acadamos o reto?

Pictograma dunha rapaza aventureira

Non te preocupes! Para acadar o reto está todo pensando!

Seguiremos unha secuencia moi ordenada:

Repasaremos

Antes de comezar miraremos que sabemos xa sobre cuestións que de seguro che van soar: textos instrutivos, acentuación, gramática...

Aprenderemos que son...

  • Os textos instrutivos: manuais, guías, prospectos... A importancia de escribilos correctamente sen faltas de ortografía, sen repetir palabras...
  • Usaremos ferramentas ben modernas de ofimática como o LibreOffice Impress ou o Draw.

Escolleremos o reto que queremos facer

Primeiro individualmente e logo en grupo, pensando ben porque o escollemos.

Seremos...

Espías de contidos! Buscando a información máis importante para os nosos textos instrutivos.

Construtoras de textos, maquetando os nosos textos instrutivos.

Persoas que fan presentacións TOP! Expoñendo ao resto da aula o traballo que fixemos.

Lectura facilitada

Non te preocupes! Para acadar o reto está todo pensando!

Seguiremos unha secuencia moi ordenada.

Repasaremos.

Miraremos que sabemos xa sobre textos instrutivos.

Miraremos que sabemos sobre acentuación.

Miraremos que sabemos sobre gramática e moito máis.

Aprenderemos.

Que son os textos instrutivos, manuais, guías e prospectos.

Cal é a importancia de escribir ben sen faltas de ortografía.

A usar ferramentas de ofimática.

Por exemplo, usaremos o LibreOffice Impress ou o Draw.

Escolleremos o reto que queremos facer.

Individualmente e en grupo.

Seremos.

  • Espías de contidos.
    • Buscando a información para os nosos textos instrutivos.
  • Construtoras de textos,
    • Maquetando os nosos textos instrutivos.
  • Faremos boas presentacións.
    • Expoñendo ao resto da aula o traballo que fixemos.

A onde nos guiará o noso reto?

Pictograma dun mapa

Tras rematar o reto serás quen de...

  • Coñecer o concepto de texto instrutivo.
  • Diferencia e utilizar distintas canles de comunicación.
  • Apreciar a riqueza da nosa lingua e as súas variantes.
  • Coñecer a diversidade lingüística da túa contorna.
  • Afondar nos conceptos de: substantivo, acentuación, prefixos, separación de palabras, ditongos, maiúsculas e minúsculas.
  • Mellorar a túa maneira de comprender e expresarte tanto oralmente como na escrita. 

Lectura facilitada

Tras rematar o reto aprenderás:

O concepto de texto instrutivo.

A diferenciar distintas canles de comunicación.

A utilizar distintas canles de comunicación.

A apreciar a riqueza da nosa lingua e as súas variantes.

A coñecer a diversidade lingüística da túa contorna. 

O que é un substantivo.

A acentuar ben as palabras.

Os prefixos.

Como separar palabras.

Que son os ditongos.

Onde usar maiúsculas e minúsculas.

Mellorarás a túa maneira de comprender e expresarte.

Diario de aprendizaxe

Diario de aprendizaxe

Parabéns! Remataches a fase 1. Como ves, o noso cole é unha tolemia! Hai moitas cousas que se poden mellorar. Se traballamos todas as persoas xuntas podemos conseguilo.

É hora de achegarte por primeira vez ao teu diario de aprendizaxe.

No diario sempre verás unha serie de preguntas. Algunhas para facer de xeito individual e outras en grupo. Ánimo!

Lectura facilitada

Parabéns! Remataches a fase 1.

É hora de achegarte por primeira vez ao diario de aprendizaxe.

No diario sempre verás unha serie de preguntas.

Algunhas actividades son para facer de xeito individual.

Outras actividades son preguntas en grupo.

Ánimo!

Creado con eXeLearning (Ventana nueva)