Le de novo os retos no apartado 1.2.
Escolle o teu reto favorito.
Pensa en razóns para a túa elección.
Prepara unha exposición breve.
Defende a túa elección.
Puntúas as propostas do resto de persoas do grupo.
Decide coa axuda do resto de persoas que reto facer en base ás puntuacións.
Aquí tes a definición e as principais características dos textos instrutivos.
Escolle e ordena os retos segundo as túas preferencias.
Lembra os tres retos dispoñibles.
- Reto 1, deseña e elabora a receita
de normas de convivencia da nosa aula.
- Reto 2, deseña e elabora un prospecto
de boas prácticas para os equipamentos EDIXGAL.
- Reto 3, deseña e elabora a guía turística para o día
de portas abertas ou para alguén que non coñeza o centro.
- Podes propor un reto diferente.
Chamarémoslle reto extra,
pero deberás elaborar un manual.
Xustifica a túa elección do primeiro reto.
Reflexiona sobre como o reto elixido
podería mellorar a situación na aula ou no centro.
Podes facer unha proposta dun reto diferente.
Ti xa escolliches o teu reto? Perfecto!
Agora tes que presentalo ao grupo.
Prepara unha presentación sinxela para defender a túa idea.
Lembra que as outras persoas do grupo vante avaliar en:
Preparación da exposición sobre a proposta do reto.
Explica claramente a túa elección do reto.
Detalla porque pode axudar na aula ou no centro.
Podes propoñer un reto diferente, pero explica as mesmas cousas.
Revisa a gramática dos teus textos e busca imaxes en internet.
Redacta unha argumentación sólida e lóxica.
Busca motivos convincentes e procura ser orixinal e creativo ou creativa.
Este vídeo axudarache a dar os primeiros pasos co editor de presentación de Libre Office, a ferramenta chámase Impress. Imos alá! Tamén aprenderás porque é importante atribuír os dereitos das imaxes que usamos e como facelo.
Atribuír quere dicir dar crédito á persoa que é dona da imaxe. É importante porque mostra respecto polo traballo das persoas autoras. Se non damos crédito, poderíamos estar a facer algo que non é legal. Ademais é moi fácil!
Se usas pictogramas de Arasaac só tes que poñer ao final da túa presentación:
Os símbolos pictográficos utilizados son propiedade do Goberno de Aragón e foron creados por Sergio Palao para ARASAAC (http://www.arasaac.org), que os distribúe baixo Licenza Creative Commons BY-NC-SA.
Vídeo para aprender os primeiros pasos co editor
de presentacións do LibreOffice Impress.
Aprenderás tamén a importancia de atribuír os dereitos
das imaxes que usamos e como facelo.
Atribuír significa dar crédito á persoa que é dona da imaxe.
É importante por respecto ao traballo das persoas autoras
e para evitar problemas legais.
Se usas pictogramas de Arasaac,
só precisas colocar no final da túa presentación:
"Os símbolos pictográficos utilizados son propiedade do Goberno
de Aragón e foron creados por Sergio Palao para ARASAAC
(http://www.arasaac.org), distribuídos baixo Licenza Creative Commons BY-NC-SA."
Lembrade que a partir de agora ides traballar en grupo e iso implica que cada persoa debería ter un rol para o traballo. Pode ser que unha persoa teña que buscar imaxes, outra información, outra escribir o texto de cada parte, outra deseñar o formato e decorar e outra supervisar e anotar a evolución do proceso.
Persoa buscadora de imaxes e información: hai multitude de páxinas web con información (Wikipedia), pictogramas gratuítos (Arasaac).
Persoa redactora de texto: podes empregar a folla de recollida de contidos ou o teu portátil e LibreOffice Writer para elaborar os textos.
Persoa deseñadora do formato e presentación: podes deseñar empregando LibreOffice Draw con texto, imaxes, etc.
Persoa organizadora e apuntadora rexistrando o traballo. Podes ir rexistrando as actuacións e melloras nun caderno.
Estas son algunhas das ideas para que o traballo en equipo funcione e se poida chegar a un resultado. Ollo, que unha persoa sexa a encargada dunha parte non quere dicir que teña que facelo soa. Precisará axuda de todo o grupo para tomar decisións, ter ideas, facer correccións...
Esta é a nosa proposta de organización, pero se tedes outra, adiante!
O traballo en grupo require
papeis específicos para cada persoa.
- Investigador ou investigadora, busca imaxes e información
en páxinas web como Wikipedia ou Arasaac.
- Redactor ou redactora, escribe os textos usando ficheiros
de recollida de contidos ou o LibreOffice Writer.
- Deseñador ou deseñadora, crea o formato e a presentación
usando o LibreOffice Draw con texto, imaxes etc.
- Coordinador ou coordinadora, organiza e rexistra o traballo nun caderno.
É importante colaborar e que
vos apoiedes mutuamente no grupo.
Esta é a nosa proposta de organización.
Acéptanse outras propostas de organización.
Licenciado baixo a Licenza Creative Commons Atribución Non-comercial Compartir igual 4.0
