Unha paradiña antes de comezar
Como ves, o noso cole é unha tolemia! Hai moitas cousas que se poden mellorar. Se traballamos todas as persoas xuntas podemos conseguilo.
De seguro tes dúbidas sobre o que estamos a ver. Vas recibir máis explicacións.
Somos persoas instrutoras!
1.1. Podemos mellorar a escola?
Os textos instrutivos
Está moi de moda a cultura de “Faino ti mesmo” ou a de montalo ti mesmo. Seguro que tes visto tendas de montaxe de mobles no que un papel nos guía paso a paso para saber como facelo. Os textos instrutivos teñen a peculiaridade de indicar os pasos a seguir para realizar algún tipo de cometido. O seu obxectivo principal é que a persoa que os lea comprenda os pasos a seguir para realizar a acción para a que foron creados.
Para realizar un texto instrutivo correctamente debemos ter en conta certas características.
-
Verbos de acción: palabras que nos indican movemento pero en imperativo como mestura, corta, pega, enrosca...
-
Secuencia lóxica: as instrucións deberían estar organizadas nunha orde lóxica para que nos leven ao obxectivo.
-
Non é obrigatorio, pero ás veces a inclusión de imaxes ou gráficos axudan a entender mellor os pasos a seguir.
-
Incluímos os materiais ou cousas que se poden precisar.
E por suposto..., escribímolos en galego!
Lectura facilitada
Está moi de moda a cultura de “Faino ti mesmo ou mesma”.
Está de moda a cultura de montalo ti mesmo ou mesma.
Seguro que tes visto tendas de montaxe de mobles.
Un papel guía paso a paso para saber como montar o moble.
Os textos instrutivos indican pasos a seguir.
Se os segues serás quen de facer o cometido.
O seu obxectivo principal é que a persoa que os lea
comprenda os pasos a seguir para realizar unha cousa.
Para realizar un texto instrutivo correctamente
debemos ter en conta certas características.
Verbos de acción: palabras que nos indican movemento pero
en imperativo como mestura, corta, pega, enrosca...
Secuencia lóxica: as instrucións deberían estar organizadas.
Teñen que estar nunha orde lóxica para que nos leven ao obxectivo.
Ás veces levan imaxes ou gráficos que axudan a entender mellor.
Incluímos os materiais ou cousas que se poden precisar.
Escribímolos en galego!
Audio
Unha curiosidade
O galego é unha lingua que se fala en Galicia. Hai uns 2,4 millóns de persoas que a falan.
É unha lingua románica, é dicir, descende do latín que falaba a poboación romana. No pasado, as persoas galegas e as portuguesas falabamos de maneira parecida porque a orixe das nosas linguas é a mesma.
A Real Academia Galega axuda a establecer as normas da nosa lingua para que todas as persoas falemos do mesmo xeito.
Sabías que aínda falando a mesma lingua non todas as persoas falamos igual? Sorprendente! A que si?
Poden delimitarse tres grandes complexos lingüísticos ou bloques: occidental, central e oriental.
Lectura facilitada
O galego é unha lingua que se fala en Galicia.
Hai unhas 2,4 millóns de persoas que a falan.
É unha lingua románica que descende do latín que falaba a poboación romana.
No pasado, as persoas galegas e as portuguesas falabamos de maneira parecida.
A orixe das nosas linguas é a mesma.
A Real Academia Galega axuda a establecer as normas da nosa lingua para que todas as persoas a falemos do mesmo xeito.
Tendo a mesma lingua non todas as persoas falamos igual.
Sorprendente! A que si?
Poden delimitarse tres grandes áreas ou bloques: occidental, central e oriental.
As instrucións
As instrucións son básicas para moitas tarefas diarias e converten en fáciles actividades que son complexas. Seguir as indicacións paso a paso ou os debuxos que as acompañen, no caso de telos, é algo moi útil.
Algúns exemplos serían: receitas de cociña, instrucións para a montaxe dun moble…
Imos ver distintas formas de presentar unha receita.
Pode ser en vídeo
Ou nun receitario
Ou vir recompiladas nun libro de receitas.
.jpg "Receita de albóndegas")
Ademais, hoxe en día podemos usar emoticonas
🎁 INGREDIENTES para 10 racións (molde con forma de 👑 coroa de 24 cm ou molde desmontable normal de 20 - 22 cm):
🥚 8 ovos M.
🍭160 g de azucre.
🧈 80 g de manteiga.
🍪 170 g fariña repostería.
🥄 16 g po para levedar = 170 g de fariña para levedar.
🔹🍋 Raspadura dun limón.
Lectura facilitada
As instruccións son indicacións paso a paso.
Axúdannos a entender como funciona ou como se fai algo.
Hai diferentes tipos de instrucións, tamén chamados "textos instrutivos".
Aquí tes varios exemplos.
Licenciado baixo a Licenza Creative Commons Atribución Non-comercial Compartir igual 4.0