Coidado, non deixedes pasar a todo o mundo! Unha boa estratexia para que non se vos coen na festa é entregar a cada compañeiro e compañeira unha pulseira da festa.

Podedes facer a pulseira a man ou co ordenador, pero hai que ter en conta estas normas:

• Tamaño axeitado. Dependerá do pulso de cada compañeiro pero polo xeral as pulseiras adoitan ser de: 25 x 2 cm.
• Unha zona de pegado. Deixaremos unha zona branca de uns 4 x 2 cm, situada nunha das extremidades da pulseira.
• Nome do evento. Haberá un espazo para o deseño e personalización do evento (21 cm restantes da pulseira). Pódense utilizar deseños relacionados coa temática da festa, como símbolos de xogos tradicionais, imaxes festivas ou elementos de baile. Tamén se pode xogar coas cores para establecer equipos ou grupos de xogo.
• Algún elemento propio dos xogos populares e tradicionais. Introducimos algún obxecto característico que poña en contexto a festa que se vai realizar.
• Nome do centro. 

Un consello para aforrar en material é aproveitar un folio, ao máximo, imprimindo varias pulseiras dunha soa copia. Unha vez preparadas as pulseiras só haberá que recortalas e repartilas polas clases para que cada un teña a súa propia. 

Tamén debemos recordar que o día da festa deben estar postas e ter coidado con non rompelas se queren participar nos xogos e bailes organizados.