Saberías definirme o que é o xogo? Seguro que se pensas un pouco poderías construír unha definición axeitada. Por exemplo, que che parece se o definimos como actividade na que polo xeral hai unhas regras, na que, ás veces hai unha persoa gañadora e ten o obxectivo principal de entreter e divertir?

É certo que non todos os xogos son iguais. Algúns xogos son fáciles de practicar e outros non tanto. Hai xogos con moitas regras e algún que case non ten ningunha. Hai xogos que son moi antigos e outros que son máis modernos.

Para a nosa festa utilizaremos os xogos de sempre, aos que ás veces chaman xogos tradicionais ou xogos populares. Deixaremos os xogos modernos ou os inventados para outra actividade.

O xogo tradicional é o que ten unha orixe moi antiga, son divertimentos propios dunha rexión que se transmitiron entre xeracións ata chegar á actualidade con poucos cambios. Que o xogo tradicional xurdira nun sitio concreto non quere dicir que só se practique nese sitio, hai moi poucos xogos que permaneceron durante todo o tempo nun lugar illado. O común é que os xogos se espallaran porque as persoas os levaban dun sitio a outro. Un exemplo curioso é a billarda , un xogo-deporte tradicional de Galicia con similitudes a outros xogos de diferentes rexións do mundo (mira este vídeo)

Os xogos tradicionais que se practican na actualidade por un gran número de persoas tamén se poden definir como xogos populares.

A orixe dos xogos de sempre é moi diversa, unhas veces teñen unha orixe cerimonial e festiva, outras está ligada a tarefas do campo ou de coidado do gando, en ocasións xorden das actividades comúns que se realizaban e que finalmente se converteron en xogos. 

Sabías que na súa orixe os zancos eran obxectos para cruzar pequenos regatos?

Temos a obriga de conservar os xogos de sempre e facer posible que cheguen á maior cantidade de persoas, porque esquecer estes xogos tamén é deixar no esquecemento unha parte da historia e a cultura dun territorio. 

Os xogos tradicionais forman parte do patrimonio cultural da humanidade do mesmo xeito que unha pintura, un libro ou unha escultura. 

Cada equipo ten que ocuparse de preparar un grupo de xogos. A clasificación que imos utilizar para os xogos ten en conta as características do enredo, sen importar se é un xogo tradicional ou popular, creamos 8 categorías que son as seguintes:

Coñeces xogos de cada unha destas categorías?

Tarxetas para repartir as categorías de xogos, en formato PDF (nova xanela).