O deporte autóctono lévase a cabo cunha finalidade fundamentalmente lúdica ou recreativa, pero sen esquecer a parte competitiva. Ten unha orixe ancestral e pasou a formar parte importante da cultura popular, por esta razón está vinculados a unha determinada zona xeográfica (comarca, provincia, comunidade autónoma, país...), aínda que non ten porque coincidir coas fronteiras políticas destes sitios.

Forman parte da tradición cultural dunha determinada zona e están asociados a actividades que se practican en momentos de cohesión humana, como poden ser as festas ou os momentos de ocio e divertimento dunha sociedade.

Este é precisamente o caso do xogo de "a chave", que se practica no noroeste da Península Ibérica, principalmente en Galicia, onde se xogan varias modalidades, pero esténdese tamén por Asturias e León, especialmente pola comarca do Bierzo.

Principais diferenzas entre xogo e deporte:

• Nos xogos as normas son máis flexibles, as persoas que participan no xogo poden cambiar as regras. No deporte as normas son ríxidas e o procedemento para introducir cambios é complexo.
• Os deportes teñen organismos que regulan as competicións.
• Nos deportes hai adestramentos e preparacións para competir.

É común que os xogos e deportes tradicionais non queden restrinxidos ao límite dos países, porque as persoas comparten costumes e festas.

Pola importancia que ten en Galicia a mestura cultural coas zonas fronteirizas de Portugal merece que levemos á nosa festa un xogo ou deporte de fronteira.

A malla, ou malha en portugués, é un exemplo de deporte autóctono que se espalla por Portugal e Galicia.

Coñecías o xogo da malla?