Queres que veña todo o alumnado do colexio á nosa festa? Pois a facer invitacións!

Unha invitación é un escrito mediante o cal invitamos a alguén a asistir a un evento. No noso caso, por exemplo, ese evento é "A festa do xogo".

Podemos facer a invitación a man ou axudándonos dun ordenador, pero sexa como sexa, a invitación ten que conter estes datos:

• Nome do evento. É importante que a persoa invitada saiba a que se lle está a convidar.
• Quen invita. Unha opción é dicir que o alumnado de quinto de Educación Primaria invítate á súa festa.
• A quen invita. Se son invitacións grupais hai que especificar a que grupo se está a invitar. Se polo contrario son invitacións individuais, entón pódese escribir o nome da persoa.
• Lugar. Onde se vai celebrar o evento.
• Data. Que día se vai celebrar o evento.
• Hora. A que hora teñen que acudir ao lugar sinalado.

Por outro lado, é importante que a invitación consiga chamar a atención á persoa que a recibe. Para conseguilo é recomendable decorala e que, ademais de ter os datos imprescindibles comentados anteriormente, teña tamén cores ou debuxos que a fagan máis atractiva.