Definición:
Destreza para facer ben unha cousa
Exemplo:
Demostrou moita habelencia coas pelotas
Definición:
Instrumento cunha corda ou correa flexible suxeita a un mango
Exemplo:
Golpeo co látego a buxaina para que xirase máis tempo
Definición:
Parte dun círculo entre dous radios e o arco da circunferencia.
Exemplo:
Cortou o pastel en varios sectores
Este enredo é coñecido con moitos nomes: peón, trompo, buxaina, pión ou sevillana. Trátase dun xoguete de madeira, aínda que na actualidade tamén se producen en plástico, que ten na punta unha parte de metal para que baile con máis facilidade e durante máis tempo.
Ver o vídeo con subtítulos (nova xanela)
Na modalidade máis estendida utilízase unha corda, que ten o nome de piola, que se enrola sobre a buxaina e ao tirar o brinquedo comeza a dar voltas. Non existe unha forma única de enrolar a piola, no vídeo podes ver unha forma de poñer a piola ao redor do peón.
Con piola
Utilizan unha corda que se enrola sobre a buxaina.
De dedos
A buxaina comeza a xirar cun movemento rápido de dedos
De látego
Usan un látego pequeno para poñer en movemento e manter xirando o trompo
Con lanzador
Utilizan un mecanismo ou un aparello externo para que a buxaina comece a xirar.
1 Pirucho.
2 Capa.
3 Panza.
4 Ferrón.
Segundo a forma o ferrón pode ser:
5 Ferrón de bola.
6 Ferrón de punto.
7 Ferrón de tope.
Trátase de demostrar as habilidades co uso do peón, por exemplo bailar na man, bailar ao ar, facer un corredor ou mover a buxaina por un carril feito coa piola dobrada á metade.
A vida
Deben participar ao menos dúas persoas.
Lánzanse as buxainas ao mesmo tempo dentro dun círculo pintado ou marcado no chan.
Gaña a persoa que mantén durante máis tempo a buxaina xirando dentro do círculo.
Carreira de peóns
Trátase de facer unha carreira coa buxaina dando voltas sobre a palma da man. Hai que ter moita destreza no manexo do peón porque para gañar temos que chegar á meta coa buxaina bailando.
A cruz
Píntase unha cruz no chan, as persoas xogadoras lanzan a buxaina por orde. Cando paran os peóns, gaña a persoa que deixou a buxaina máis preto do centro da cruz.
Turbo 
Debúxase un círculo no chan, e divide en dez sectores numerados (de 1 a 10). Os xogadores e as xogadoras lanzan as buxainas sobre o círculo. Suman puntos segundo o sector no que parou o trompo.
Licenciado baixo a Licenza Creative Commons Atribución Non-comercial Compartir igual 4.0