Mira a imaxe, trátase dunha obra de arte pintada por Pieter Brueghel o Vello, á que chamou "Xogos de nenos" e que recolle unha morea de xogos populares da época do autor. 

Este cadro foi pintado no século XVI (dezaseis), hai máis de 400 anos! Despois de tantos anos aínda seguimos a practicar case os mesmos xogos. Seguro que recoñeces moitos dos enredos do cadro.

Se premes na foto verala máis grande.

Move o rato sobre a fotografía de abaixo para utilizar a lupa e ver os detalles dos xogos.

Chama a atención a cara das persoas, non é que Brueghel pintara mal, o motivo é que na época do cadro aos nenos e nenas as debuxaban con eses trazos raros, como se fosen adultos en pequeno.

  
 
Que outras cousas chamáronche a atención? fixáchesche se hai xogos que só practican nenos e outros de nenas? Atopaches no cadro algún xogo con nenos e nenas xuntos? Dedica uns minutos a reflexionar sobre as formas de discriminación no xogo.