Necesitamos anunciar a festa, todo o mundo no cole debe estar informado de que imos celebrar unha festa do xogo.

Cando hai un grande evento podes ver pola rúa carteis que o anuncian e dan información como o nome do evento, o lugar de celebración e a data.

Esta festa tamén hai que anunciala!

Debedes crear un cartel coa seguinte información sobre a festa:

O nome do colexio, que tamén vai ser o lugar de celebración.
A data do evento, para que ninguén se confunda de día.
O nome do evento, lembra que é "A festa do xogo".
Unha explicación sobre o que vai pasar na festa.
Colaboracións, se vai colaborar algunha institución ou persoa hai que poñer o nome como agradecemento.

O cartel pode estar feito a man, nunha cartolina, ou elaborado cunha aplicación dixital, neste caso tedes que imprimilo.