4 Actividades complementarias

Teoría cinética da materia

S26. Temos un litro dun gas medido a 1 atm de presión e -15 ºC de temperatura. Sen variar a temperatura, a que presión hai que pór o gas para que o seu volume se reduza a 0,6 litros?

S27. Dentro dos pneumáticos dun coche a presión do aire é 2.5 atm, medido a 20 ºC. Co movemento do coche, o aire das rodas quece polo rozamento do pneumático contra o chan, e alcanza 40 ºC. Cal é a presión nas rodas a esa temperatura?

S28. Explique por que un gas pode comprimirse ata ocupar un volume bastante máis pequeno que o do principio.

S29. Como explica usando a teoría cinética da materia os feitos seguintes?

- Deixamos no fondo dun vaso con auga un cristal iónico violeta, e o líquido acaba collendo esa cor.
- As partículas do po que hai na aula móvense dun lado ao outro, vémolas cando entra pola ventá unha raiola de sol.

S30. A naftalina é unha substancia que se usaba para protexer as prendas de roupa. Que cambio de estado ocorre na naftalina? Como se estende a naftalina polo interior do armario protexendo a roupa?

S31. Usando o modelo cinético da materia, xustifique os feitos seguintes:

- Se quentamos un gas aumenta a súa temperatura.
- Os gases exercen presión.
- Os gases son compresibles, e os líquidos non.

Retroalimentación

S26. Aplicamos a lei dos gases a temperatura constante: P₁ V₁ = P₂ V₂:

S27. O volume do gas é constante (a roda non cambia de tamaño). Daquela utilizamos a fórmula dos gases que relaciona P e T a volume constante:

Aplicamos fórmula dos gases

S28. Nun gas as moléculas están moi afastadas unhas das outras, daquela poden aproximarse bastante entre si e ocupar un volume moito menor. Non ocorre o mesmo cos líquidos, nos que os átomos e moléculas xa están moi próximos e non poden diminuír de volume case nada.

S29.

a) O cristal vai disolvendo, e a axitación térmica das moléculas do líquido vai espallando os ións (violeta) por todo o volume do líquido.

b) Ademais das correntes de aire que poida haber no cuarto, as partículas de po móvense de xeito caótico en todas as direccións de modo semellante ás partículas dun gas.

S30. A naftalina pasa directamente de sólido a vapor: é unha sublimación. Esténdese polo armario como o fai un gas calquera.

S31.

a) Ao quentar o gas as moléculas absorben a calor e transfórmano en enerxía cinética; o aumento de velocidade das moléculas causa o aumento da temperatura.

b) As moléculas dos gases baten repetidamente contras as paredes do recipiente. A forza orixinada por este continuo bater é a presión.

c) Nun gas as moléculas están moi afastadas unhas das outras, daquela poden aproximarse bastante entre si e ocupar un volume moito menor. Non ocorre o mesmo cos líquidos, nos que os átomos e moléculas xa están moi próximos e non poden diminuírde volume case nada.

Teoría atómica da materia

S32. Coñecemos os datos seguintes dos átomos A, B, C e D:

A	B	C	D
13 protóns 14 neutróns	13 protóns 13 neutróns	14 protóns 15 neutróns	14 protóns 14 neutróns

Cales son isótopos diferentes do mesmo elemento químico?

Os átomos B e C son do mesmo elemento?

S33. Complete o cadro seguinte (pode usar o sistema periódico dos elementos):

Átomo	Z	A	Nº protóns	Nº neutróns	Nº electróns
Na			11	12
Si			28	14
Ca	20			20
O		16
S	16	32
K⁺			19	21
S^-2	16	32

S34. Indique o número atómico, o número másico, o número de protóns e neutróns dos isótopos: He-4, Na-23, O-17.

S35. Xustifique se as afirmacións seguintes son falsas ou verdadeiras:

O modelo atómico de Dalton explica a natureza eléctrica da materia.

Todas as partículas que forman os átomos teñen cargas eléctricas.
O núcleo ocupa a maior parte do átomo.
O número atómico dun elemento é un número natural que indica o número de neutróns que hai no núcleo.

S36. Ache o número de protóns, neutróns e electróns que teñen os átomos seguintes:

S37. Indique como poden conseguir a configuración de gas nobre os seguintes átomos: flúor, bromo, osíxeno, xofre, potasio, litio, calcio, aluminio.

Retroalimentación

S32.

a) A e B son isótopos entre si porque teñen igual o número atómico (Z = 13); C e D tamén son isótopos entre si (Z = 14). Daquela A e B pertencen ao mesmo elemento químico (o aluminio), e C e D son os dous silicio.

b) B e C non son do mesmo elemento químico.

S33.

Átomo	Z	A	Nº protóns	Nº neutróns	Nº electróns
Na	11	23	11	12	11
Si	14	28	14	14	14
Ca	20	40	20	20	20
O	8	16	8	8	8
S	16	32	16	16	16
K⁺	19	40	19	21	18
S^-2	16	32	16	16	18

S34.

	He-4	Na-23	O-17
Nº atómico	2	11	8
Nº másico	4	23	17
Nº de protóns	2	11	8
Nº de neutróns	2	12	9

S35.

a) Falso. No modelo atómico de Dalton non hai cargas eléctricas.

b) Falso. Os neutróns non teñen carga eléctrica.

c) Falso. É moi pequeno comparado co tamaño do átomo.

d) Falso. O número atómico indica o número de neutróns.

S36.


Nº de protóns	29	18	20
Nº de neutróns	31	22	23
Nº de electróns	29	18	20

S37.

Flúor e bromo: gañando ou compartindo un electrón.
Osíxeno e xofre: gañando ou compartindo dous electróns.
Potasio e litio: cedendo un electrón (son metais os dous).
Calcio: perdendo dous electróns.
Aluminio: perdendo tres electróns (é un metal).

Teoría atómica da materia (continuación)

S38. Nas seguintes frases hai algún erro. Atópeo.

O neutrón e o protón teñen a mesma carga pero de signo contrario.

O electrón e o protón teñen case a mesma masa.

Os protóns e os electróns repélense porque teñen cargas de signos contrarios.

S39. Indique se as afirmacións seguintes corresponden ao modelo de Thomson, ao de Rutherford, ao mecanocuántico ou a varios deles:

Afirmacións	Modelo
Os átomos son esferas compactas.
O núcleo é moito máis pequeno que o átomo en conxunto.
Os átomos son neutros.
Non sabemos a posición exacta do electrón, soamente a probabilidade de atopalo nun lugar determinado.

S40. Pode ser o número másico dun átomo maior que o seu número atómico? Poden ser ambos os números iguais?

S41. Verdadeiro ou falso?

Os isótopos son átomos que teñen distinto número másico.

Se dous elementos químicos teñen igual número másico e diferente número atómico son isótopos.

S42. Ten no laboratorio tres substancias e non sabe que son. Que conclusións pode tirar dos feitos experimentais seguintes en canto ao tipo de enclace?

Unha substancia ten aspecto cristalino e disólvese ben en auga.

Outra substancia é líquida a temperatura ambiente, ferve a 65 ºC e non se disolve en auga.

A terceira substancia é sólida e conduce moi ben a electricidade.

S43. O cloruro de X é sólido a temperatura ambiente, funde a alta temperatura, disólvese relativamente ben en auga, e disolvido conduce ben a electricidade.

Que tipo de enlace ten ese cloruro?

O átomo X, é un metal ou un non metal?

Teoría atómica da materia (continuación)

S44. Verdadeiro ou falso?

No enlace iónico os átomos comparten electróns.

As substancias iónicas conducen ben a electricidade.

Todos os gases a temperatura ambiente son substancias covalentes.

Todas as substancias líquidas a temperatura ambiente son covalentes.

Na rede cristalina metálica non hai anións.

No enlace covalente, os dous átomos enlazados comparten todos os seus electróns.

S45. Clasifique as substancias seguintes segundo o tipo de enlace que haxa entre os seus átomos: P2O5, C4H10, CaS.

S46. Que propiedade dos metais permite facer dunha lámina o capó dun coche?

S47. Na rede cristalina metálica e na iónica hai ións. Sinale as diferenzas entre elas.

S48. Tendo en conta o tipo de enlace en cada substancia, cubra o cadro:

Substancia	Sólido a temperatura ambiente?	Soluble en auga?	Condutor da electricidade en estado sólido?
Mg
NaCI
SiO₂
N₂

S49. Un compoñente fundamental na molécula que transporta o osíxeno no sangue é un metal. Cal é? Como se chama a doenza que denota a súa carencia ou baixo nivel?

Retroalimentación

S44.

Afirmacións	V / F
No enlace iónico os átomos comparten electróns	Falso, un átomo cede e outro gaña electróns.
As substancias iónicas conducen ben a electricidade	Falso; en estado sólido non conducen.
Todos os gases a temperatura ambiente son substancias covalentes	Verdadeiro.
Todas as substancias líquidas a temperatura ambiente son covalentes	Case todas; pero o mercurio é un metal e é líquido
Na rede cristalina metálica non hai anións	Verdadeiro, hai ións positivos (catións).
No enlace covalente, os dous átomos enlazados comparten todos os seus electróns	Falso, comparten algúns electróns, pero non todos necesariamente.

S45.

P₂O₅	O fósforo e o osíxeno son non metais, daquela o enlace é covalente.
C₄H₁₀	Non metal – non metal: enlace covalente.
CaS	Calcio é metal, xofre non metal: enlace iónico.

S46. A maleabilidade.

S47. Na rede metálica hai ións positivos e electróns móbiles, pero non hai anións negativos; na rede cristalina iónica hai ións positivos e negativos, e non hai electróns móbiles.

S48.

Substancia	Sólido a temperatura ambiente?	Soluble en auga?	Condutor da electricidade en estado sólido?
Mg	Si	Non	Si
NaCl	Si	Si	Non
SiO₂	Si	Non	Non
N₂	Non	Pouco	Non

S49. Ferro. Ferropenia (pode producir anemia).

Licenciado baixo a Licenza Creative Commons Recoñecemento Non-comercial Compartir igual 3.0

« Anterior | Seguinte »