1.3 Obxectivos

Aceptar que a ciencia traballa con modelos e que a validez deles reside na capacidade que teñen de explicar fenómenos experimentais e predicir outros novos.

Sinalar os trazos principais do modelo cinético-corpuscular da materia.

Xustificar fenómenos experimentais que ocorren nos gases e nos líquidos co modelo cinético.

Comprobar e aceptar que os modelos científicos non son definitivos, analizando o ocorrido co modelo atómico.

Identificar as partículas constituíntes do átomo, a súa carga eléctrica, a posición no átomo e os movementos que realizan.

Caracterizar un átomo polos seus números atómico (Z) e másico (A), en relación coa posición do elemento no sistema periódico.

Clasificar as substancias en elementos ou compostos, e en puras ou mesturas, utilizando representacións gráficas de átomos, moléculas e redes cristalinas.

Situar no sistema periódico os elementos máis salientables ou frecuentes na vida cotiá.

Coñecer os trazos máis salientables dos modelos de enlace iónico, covalente e metálico.

Predicir o tipo de enlace que se formará entre dos elementos químicos e adiantar as súas propiedades.